عبلة لا تبكى غراب العرب

في الطريق الكاسي ضله
على وشوش المخاليق
ماشى وماسك نبضه
وريح م بعيد بتزوم
والبوم ..
معشش جوه البيت
وهناك على قهوة بلدي
تليفزيون مفتوح
ومذيع بيذيع
عن أخبار الكون
*****
بداية
عمتم مساءاً
نهاية
حادث اغتيال
****
ولقتنى والشارع فاضي
والريح لساها بتعوى
ونعيق البوم ف العالي
الصوت انحبس
والرعشة مسكت ف الأيدين
ولساه المذيع /بيزيع
****
بموتك ماتت كل الأشياء
الفيافى ..
والأخضر واليابس
والماء ..
كنت تغزل م طيف الخيال خيطا
وتجوب بطول البحار عرضا
مرهف الحس ..
مرهف الشوق..
وجهك يفيض بالسمرة / الصفرة
وشدوك يملؤ الفيافى
عطراً بل سحراً
ترد الروح الى الأشلاء
هل كانت تباريح الشقاء؟!
أم كانت لذة العناء؟!
كنت تلعق المر وتقتات الجوى
بعيون حائرة !!
هل كان لونك ورقك يكسو ذاتك ؟!
فيغتال بقلبك الامنيات !!
اذاً..
فما جدوى الصراع ؟!
فقد مزقت الريح الشراع ؟!
في البر والبحر
والمد والجزر
أم حطمت الذات بالذات ؟!
*****
معقول .. قتلوك؟!!
ولئن ريحتك من فيافى العمر
ساعه عرى الليل
بتحفر ف الشرايين
سنابل قمح ..
وتمد العيدان ف القلب
وتزدنى رغبة ف البوح
وتطل ف تجاعيد الحوار
سياط م القهر
بتحرق حتى الكلمات
لساها الاه بتلضم لسان الخوف
حدوته معجونه بدم الحلم / الخريف
والغيم بيحبل بالمطر
حبات نقط ..
تبل اسفلت الكوامن
وتعرى اغصان الزمن
والبحر واقف يمتك
شاهد عليك
واقف وشامم م العدا
ريحة شياط
مين اللى قال انى اتقتلت ؟!
والسر لسه ف حكمته!!
مين اللى قال انى انسحبت؟!
واللعب لسه ف اوله !! !
دانا عبد عبس بقوته
والبسوس وأهل الوبر
غرسوا جوايا العبر
[[ واعف عند المغنم ]]
شميت ساعتها العرق
اللى نازز من جوف مانديلا
ساعة الندا ..
طب مين اللى حرر السود ؟!
ومين اللى خلى البنى آدمين
متساوين ؟!
ياهلترى؟!
إللى جاين من أم حره ؟!
وللآ مين؟!
وبمد الكف لكف جيباب
وبطرطش م الأنيين
بحربه مسمومة
تنزل ع وش السنين
لجل متكنس م الجيوب
دم الغريب
والسوس اللى سارح ف الدروب
كان صوت الابجر ف النزال
ويا جيفارا ..
أعلى من صوت السيوف
والسيف الأبتر والحربة المسمومة
لساها بتنبش بلسانها
الرمال..
ينشق الليل .
يطرح بركان ..
دم الحلاج .. السهراوردى
دم لوركا .. نيرودا
دم الإنسان
وبدور ف جته أمبارح
على جرح يطرح شتات
شوق للمعنى
العذاب وللا الحنين
الدموع وللآ الآنيين
الظلم .. الحلم
العيب ف مين ؟!
سميه وللا زبيبه ولونها !!
وللا مين؟!
ليه ياعبله م بتبوحيش؟!
بالحب إللى ضاع ؟!
والمعنى إللى راح..
وللآ لتلوين الوشوش بشكل جديد
ماعرفنهوش..
وللا ع الشفه المشقوقه فيه
ازاى تفوتيه ؟!
وتخلى حبر السكه يجف يتوة
حاولت اعدى الوهم الفارد جوايا..
بتعلى المسافات..
اخطيلك ..
احس الحب ف قلبك مات
بستلهم م عروه وعفرا
رميو وجوليا
صورة الاخلاص
ليه تكونى اقل منهم
ليه بقسوة تموتيه
الم م الصبر وانتظار
بيشق حلق النبض
وبيقتل الكلمه؟!
وبيدبح الهمه /البسمه
من غير زعل
الفراق
كان اخر قرار
للخوف
وأول الفوقان ؟!