وانتى داخله

من باب مشاعري
اقفلي بابها وراكى
حاسبي يدخل
اى ريح
او هوا ينازع هواكى
ولما تبقي جوة صدري
سبحى وسمى وصلى
هتلاقي فيه ارض بيضه
مضلمة ومتربه
فيه
قلب خاوى
مليان تراب نفضيه
نوريه بضحكة صافيه
واكنسيه واسكنى
واصلبى طولك
فى صدري اتمكنى
وازرعى ارضه ورود
بس حاسبي
شوكها يطول يجرحك
ولو تعبتى
اتمددى بين الضلوع
في نص دايرة
وضلع ناقص كملية
وليكى عليه
اعمل جفونى خدادية
وجلدى يبقي ريش نعام
واطوى روحى
بطانية وكام لحاف
مش هخاف
بس حاسبى تخافى انتى
او تحاولى تهربي
لو تخافي م البداية
متدخليش