قصيدة ... شفت بعيني

شُفت بعينى ماحدش قالى
ومين يسمعنا او يجارينا
اللى بيسرق فيا تَمَلىِ
واللى بظلمة كان يسقينا
واللى ناهب رزق اولادى
واللى زارع بانجو فى سينا
واللى بيصرخ قال بالحق
بالحرية وساحل فينا
واللى ينادى الفقراء لأ
عامل فيها ابن (لوبينا )
واللى يحارب فساد ويقولى
دحنا غرقنا فى وحل و طينا
واللى بيلهف ارض القوت
بيبنى فلل وقصور بمارينا
واللى بيعمل حزب صَموت
دوغرى بيركن جنب أخينا
واللى نافخ كرشه وحوت
بالع حق وناهب فينا
واللى بيظهر قال ع الشاشة
دافع مبلغ لجل يجينا
واللى بينهب ارض بلاش
بامضى خسيسة لخاين لينا
واللى بيكتب لجل الصفوة
بايع نفسه وابن لذينا
واللى بيخطب زى الراديو
رغى فى رغى طايح فينا
واللى بيطبع كتب ويعلم
اى كلام لتاريخنا.. ناسينا
واللى بيبنى ابراج وقصور
بالملايين على وادينا
واللى بيلهف الوفات الوفات
وعامل فيها شريف وأمينا
واللى بيسرق اعضائنا ويزرع
لجل مايبنى.. مقطع فينا
شفت بعينى ومين يسمعنى
كنا زمان وصبحنا الحينا
لو هتطنش ..هايمحى تاريخك
راح يسقيك مُر... وطِينا
لو هيخون او هيجامل
دوغرى هيلقى ميدانا مالينا
زى ماغيرك ولى وغار
انت كمان هتغور ياأخِينا
وان حسيت بالامنا يا خلِّى
تبقى ضرورى نور لعنينا
شفت بعينى ماحدش قالى
ومين يسمعنا او يجارينا