من الحَكْىّ الغنائى/ أنْ أبْعِد عَنْ عِينيك..!

حبيبى..
أنْ أبْعِد عَنْ عِينيِك هوّه دَه بَسّ اللى قِدِرْت عليه..؟
إزّاى أهْرَب مِنّك وخطوى متعلّق بِ (جيب جينزك) دَفَا أيّامى ومِعْطَف حُبّك وحلم حَيْاتى
خاتم بيدور بإصبع إيديِك..!
،،،،
أنْ أبْعِد عَنْ عِينيِك هوّه دَه بَسّ
اللى قِدِرت عليه..؟
بِتْشوفنى وبتُصرُخ (بَرْضُه مِشْ حَ شوفك)
وظلّى وَرَاك وقُدّامك
حارسك مِنْ كُلّ عِين
مِنْ حِجَابك لرِجْلِيك..!
إزّاى تِهْرَب مِنّى وكُلّى حَوَالِيك..!
بتئلِمنى وتوجَعنى
وأنْ أبْكى كِبريْاء يَمْنَعنى خايْف لإحسَاسك يِمْكِن يئذيك..!
وتِنْسىى أحلام وأمانى راحت وبتروح لِيك..!
مَحْبوس بروحى إزّاى أسِدّ جروحى
وهِىَّ بِتْنَادى عَلِيك..! ،،،،،
أنْ أبْعِد عَنْ عِينيِك هوّه دَه بَسّ اللى قِدِرت عليه..؟ حبيبى:
قولّى: إيه الحُبّ اللى إنْتَّ عَايْزه مِنين أجيبه وفين ألا قيه
ولو قلبى مِشْ عاوزه بالباقى مِنْ عُمْرى أشتريه إنْ كان يِرضيك..؟
إيه تِسْوَى دُنْيَا والرّوح جِوّاها
أسى يِبْكى دِى تِبْقَى دِمْعَة لو تِقْدَر مِنْ لَحْمى شِيلها ما إنْتّ لو مِشْ جانبى نُقطة نُقْطة بِدَمّى بَعِيشك وأحْيِيِك..! حبيبى:
قولّى: مِشْ يِمْكِن تكون غَصْب عَنّك إنْتّ رِزْقى وغَصْب عَنّى يِمْكِن أكون مَكْتوب لِيك..؟ لِيه تِمْنَع حَيْاة جَنّة بِيِك..!
مِنْ غِير ماتقول (بَحَبّك) حتبقى هىَّ الكلمة اللى عَشَانها إتخلق فِيْك..!
حبيبى:
صَدّقنى لا حَ تِقْدَر تِمْنَع مَطَر ولا حَ تِقْدَر تِوَقّف حُبّ نَهْر بِتِجْرى عذوبته بضفافِ لَيْاليك..!
،،،،
حبيبى:
أنْ أبْعِد عَنْ عِينيِك..!
هوّه دَه اللى مِشْ قادر عليه
أنْ أبْعِد عَنْ عِينيِك..!
......