خيانة حب..!

بتقولى: غصب عنى..
مش بإيدى..
قدرى.. ونصيبى..!
واللا بحبى..
كنتِ بتتسلى..!
,,,,,
بتقتلينى بقلم رصاص..
قَرتها فِ عينيكِ..
وغيرها كلام كتير
زىّ الرصاص..!
لا قادر أمسحه بأستيكه..!
ولا أقطع ورقته
مِ الكراس..!
,,,,,,
بتقولى غصب عنى..؟
مش بإيدى..!
قدرى.. ونصيبى..!
واللا بحبى..
كُنتِ بتتسلى..؟
,,,,,,
عارفة..
عارفة إنى أكتر مِ الحب
كنت بحبك..!
عارفة..
إن روحك عايشة
فِ ضلى..!
عارفة..
إن روحك دايبة
فِ جِلدى..!
اللى تحته..
نايم من زمان
عِشقك..!
واللى هوّا يا حبيبى
غطاك.. و
فرشك..!
طيب.. ليه..؟
ليه سِبتنى
كل دَا أحبك..؟
أحبك..!
,,,,,
بتقولى: غصب عنى
مش بإيدى..
قدرى.. ونصيبى
واللا بحبى
كنت بِتتسلى..؟
,,,,,
عارفة..
عارفة إنى ح
أسامحك..!
عارفة إنى ما قدرش غير
غير إنى
أسامحك..!
ماقدرش ألوم روحى
حتى لو دبحتِ..!
ما قدرش ألوم روحى
حتى لو بِعدت..!
ما أنت عارفة..
عارفة..
إنك روحى..
وفِ قلبى خدت
عمرى.. خدتيه وسكنتِ..!
ما أنت عارفة..
إنى أكتر مِ الحب..
ما حبتش غيرك
إنتِ..!
طيرى وعشى
أنتى..!
,,,,,
وبتقولى: غصب عنى
مش بإيدى..
قدرى.. ونصيبى
واللا بحبى
كنت بتتسلى..؟
,,,,,,
ليه .. حبيبتى
ليه..؟
تخلّى حبك..
نهر مسافر فى
جرحى..؟
ليه تخلّى حبك..
بحر مالح فى
دمعى..؟
ليه..
تخلّى حبك..
ضعفى.. و
ذنبى..!
ليه ..
النهاردة مش إمبارح..
قُلتِ..
ليه..؟
ما قلتيش الكلام دا
وافترقنا بدرى..
بدرى..!
ليه..
إستنيتِ..
لما الحب يكبر
ويجرى و
دمى..!
إحساسى عمره ما
يخونّى..؟
فيه..
فيه واحد تانى
غيرى..؟
لا بَعاتبك.. لابسألك..؟
ولا عاوز أعرف
هوّا مين..؟
ولا إزَاى..؟
وليه.. هوّا
اخترتِ..؟
اللى عارفة..
إن ما فيش حدَ..
فى أى يوم حبَك
أدَى..؟
ولا ح يحبك
زيى..؟
ولا ياحبيبتى..
ح يحبك.. أكتر
منى..؟
غير..
غير قلبى
قلبى..؟
,,,,,
مسامحك حبيبتى..
ومسامحك
حبى..؟
بسّ..
ياريت تقدرى
تكونى جوّاه..
زىّ ما جوَاى
كُنتِ..؟
وفى حضنه
تِبقى يا حبيبتى
إنتى..؟
مش واحدة تانية
زى ما أنا
غيرتى..!
خايف عليكِ
تِفشلى..
ما تقدريش تبقى
إنتِ..؟
لو مقدرتيش.. و
فشلتِ..
تِبقى زى
ما عملتِ معايا
تِبقى ياحبيبتى
خُنتِ..
خُنتى..!
,,,,,
وبتقولى: غصب عنى
مش بإيدى..
قدرى.. ونصيبى
واللا بحبى
كنت بتتسلى..؟
وبتتسلى
كُنتى..؟
*****