قصيدة ... الملك الرشيد

بلغنى أيها الملك الرشيد
.ذو العقل الشريد
.
أن إخلاصك كان دعابه
.
مقلب وإتشرب
.
وسائد ناعمه
.
مفروشه فوق بركان غضب
.
أحاسيس دافئه
.
بتخدع بيهم بنت إحساسها إتعطب
.
أهلها إختاروا العريس
.
الرئيس .. الملك
.
موتوها
.
زخرفوها
.
جوا تل ولفلفوها
.
وصلوها لبيت سعادتك
.
ودفنوها
.
وقعت على الأرض وبكت
.
خافت البنوته من ظلم الملك
.
وبدأت الحدوته
.
ليله ورا ليله
.
والديك يأذن
.
والنهار يطلع
.
والحكايه لسه فاضل فيها سطر
.
هو .... سطر
.
يحيى بنت لتانى يوم
.
وأما ييجى السيف يسن
.
يصرخ الملك المسن
.
لأ .... خلاص
.
الحكايه لسه فاضل فيها
.
.
سطر