مصر تستاهل

الكلام مسك الحروف لما راح منه الكسوف
والقلم فرحان بسنه قال خلاص مبقاش فيه خوف
والعلم نور سماكي واللي ما يسمع يشوف
نفسي اكتب لك قصيده نفسي ادبح مية خروف
نفسي ابقى كحل عينك نفسي اغزل لك في صوف
نفسي ادفي الكون عشانك وابقى نسمه في عز صيف
ده احنا رهن اشاره منك اندهي حانكون صفوف
مصر تستاهل وتسوى حتى لو ماتت ألوف
اغسلي حزنك في نيلك اللي راح ده كان ظروف
عارفه لما كنا لمه كنا في برك نطوف
كنا بنغني نشيدك كنا بنحني الكفوف
احنا فينا سر باتع داحنا كسرنا السيوف
كان يناير هو عيدك كان فرح واحنا الضيوف
داحنا نفديكي بحياتنا ماحنا بعنيكي نشوف