الواد ابني بقى خُم نوم لازم أزقه عشان يقوم ويقولي يابا مش ح تفرق لو يضيع م العمر يوم مابقاش عاجبني منظره شكلي أنا وأمه معكره ولو ح أحاسبه ويقوم يشقلى ف الهدوم ويقولي ليه خلفتني وغلطت ليه وعلمتني أنا لو حديد لازم أتنّي سبنى يابا ان كنت بتحبنى وكل همه شات وبِتّ وبيلاقيها مدام في نِتّ من كتر نومه خايف يعِتّ ونص عمره عدي نوم ويقولي يابا شعري شاب وضاع مني عز الشباب حتى نعل الجزمة داب من كتر لَفّي كل يوم وكل يوم نفس العذاب وعيشتي أصعب م الكلاب أمتي أشوف للعدل ناب سيبني أنام ميت ألف يوم وأشده وأرميه ف حضني يصرخ يقول يا رب خدني وأنا قلبي مش جايبني وإزاي يا رب ح يجيني نوم ويقولي نفسي أعيش حلال والتعليم كله ف زوال ولما أجيب بالعلم مال ما يكفنيش حق الحموم الواد تاعبني ومش عاجبني الواد ابني بقى خُم نوم