ديمقراطية و لا مهلبية (يوميات و احد مخنوق جدا)

عزيز القارئ عليك اختيار احدى الخيارات السابقة فى تعريف الاتي
حاجة موجودة فى بلد عربي كبير (او كانت كبيرة )اول حرف من اسمها مصر الكل بيتكلم فيها و المسؤلين بالتحديد بيتحاكوا بيها و مينفعش احاديثهم تخلوا من تلك الكلمة دون معرفة معني الكلمة او متطلبتها المهم خلينا ندخل فى الموضوع الحدث الكبير اللى عايز من القارئ يعرفة
انتخابات مجلش الشورى (مجلس الحكماء)
قبل الانتخابات مسؤلي الحكومة يوعدون الناخبين بالشفافية و النزاهة و يتكلمون عن الحرية التى يتمتع بها الاحزاب فى مصر و ان الحزب الوطني مجرد حزب عادي من الاحزاب المصرية التى تتمتع بنفس الحرية التى يتمتع بها جميع الاحزاب
و نجد تصريحات قادة الحزب الوطني يتكلمون عن انتخابات شفافة و عادلة و ديمقراطية
و فجأه و بعد كل التصريحات نجد ان الحزب الوطني يا عيني اخد كل مقاعد مجلس الشوري الا كام مقعد سابهم علشان الديمقراطية
يعني يعقل يا ناس الحزب الحاكم فى بلد فيها مهلبية اسف ديمقراطية
يحصل على جميع المقاعد و بيقولوا ديمقراطية
عزيزى القارئ لو عرفت الاختيار الصحيح
خلي الاختيار فى سرك و اوعي تقولو لحد خلية سر بيني و بينك
يوميات و احد مخنوق جدا
حسام الاتكاوي