الشعب قال كلمته

يوم ما فوضناه
من قبل تلاتين 6 شاورنا واخترناه
شرطه شعب وجيش كان الجميع واحد
على كل خاين ظالم واللى شيطانه غواه
متربى ع الإخلاص أصله مقاتل شهم
شاور وقال أهلى ياللى خاصمكوا الفهم
فى القلب قبل العين يا شعبنا اطمن
بروحنا راح نحميك ومصر عندى أهم
دخل قلوب الناس ببساطته والطيبة
شجاع فى عز الأزمة بيًن لهم هيبة
قال البلد للكل ... مسلمين ونصارى
يا حكم يرضى الكل .....
يا ترحلوا فى مصيبة
اخوانا كانوا فاكرين أمريكا ترعبنا
نموت أوام م الخوف وموزه ترهبنا
ما يعرفوش المصرى الحر لما يثور
نأكُلها قولنا بحاف ولا نحنى يوم روسنا
الغدر منهم ظهر أصله كان مخفى
أجدعهم جبان غدر حتى اللى خد صفى
قتل فى جنود وحشود تحرق وبتخرب
يا يحكمونا يا إما يا مصر تتوفى
باسم الدين شعارات وحكايات خايسه
فجأة سلالة مرسى م الانبيا خالصة !!!
والكفر صاب من قال عنه مهوش ريس
البنت صبحت راجل والراجل قلب خنثه
تحرقوا أو تقتلوا برضوا مهوش نافع
مكانكوا لسه مازال جوه السجون واسع
والسيسى راح يحكم بأمر الله بالعدل
أما الفيران لجحورها فى الجهل تتصارع