موال لمصر

صباح الفل على الميدان صباح الورد والياسمين
صباح الخير على الجدعان صباح نادي يا مصريين
انا مشمر أهو دراعي وناوي أزرع الفدادين
حاشيل الصخر على ضهري وابني لك كمان هرمين
حاجيب الرزه والقمحه وأعمل لك بيهم حلقين
حاحط العنبه في الخوخه واطلع لك مربة تين
ده يوسف عاش على ارضك وكان ما سك خزاين مين
وموسى عاش مع أهلك وقضى فيكي شهور وسنين
وعيسى جه مع العذرا وكانوا فيكي متحاميين
حلف الدنيا بحصاني وحارجع لك قوام تاني
ده وانا فيكي انتي وحشاني ومقدرشي أغيب يومين
حاروح سينا وأروح مطروح وم الوادي حاروح شلاتين
وفي الدلتا حاغني لك وأملى كفي من نيلك
أصيله ولابسه منديلك يا مصر يا حلوة الحلوين
وفي الصعيد حاقول موال وجايب سلام م الخال
يا وحشاني ليالي طوال ده مينا موحد القطرين