كاميليا وأخواتها

كاميليا يا كاميليا
ردي علينا يا كرمله
حيرتينا وخوفتينا
لما غبتي لخبطتينا
كاميليا يا كاميليا
...مسيحيه والا مسلمه ولا
ردي ي كيمو حيرتينا
هربانه فين وجعتينا
طالعين فلشوارع رعبتينا
ردي عليهم وعلينا
انتي مين ي كاميليا
علي ملة مين جاوبينا
هتصومي رمضان والا علكنيسه هتودينا؟
كاميليا من قبل القديسين وعبير حرقت ماريمينا
هنفضل لأمتي مصدقين ان اللي حرق مسلمين
وان اللي اسلم متعذبين وسلاح فبيوت أخينا
يا صااحب العقل استفهم قبل م تحرق اتكلم
كاميليا واخواتها الحلوين
قصدهم ايه من الفتنه
قصدهم ايه ي خايبين؟
حتي لو أساء يا مسلم انت مش زي الباقيين
خليك هادي ورافع راسك خليك مصري ابن النيل
خليك عارف ان ميراثك هو الكلمه يوم الدين
رصاصة صوتك بتولع اكتمها خليك أمين
الحق لا بحرق كنيسه ولا هدم فمسجد او دير
العصمه فايد اللي انتفضوا ضد الحكام الظالمين
ودع أيام الكرمات أصحاب البهوات مساجين
خليك واعي دي بلدك عرضك لو ضاعت هتجبها منين؟
لا هتنده علي كيمو تجبلك ولا هتنفع ست الكل عبير
متبعش الحق وأصحابه لكن
مش علشان شربة ميه تخرم ضهر سفينه كبير
لا بتريق ولا بستهزأ
بس شوية عقل وخير
يللي حرقت بيوتنا قوتنا
كنت مسلم والا صليب
مهما كانت حجة صوتك
بير جهنم ياخد كتير
يا كاميليا فينك جاوبينا
لحبايبك محناش عاجبين
ردي علينا يا كرمله
لو احنا اخوات فلدين
مصريه وانا اخوكي المصري
والفتنه صحيت ومحدش يقنعني اننا نايمين
ردي يا كيمو بسرعه وقولي انتي واختي عبير
علي فين رحتوا وعلي أي ملة ودين.؟
ايمان سالم محمد