أحسن حاجه ف مراتي بتقشر توم

أحسن حاجة في مراتي تقشر توم
وتصحيني من عز النوم
أحسن حاجة إنها راضيه
ودايما مشغوله ومش فاضيه
ولما بتغسل بتملى الغسالة هدوم
أحسن حاجة أنها مش حاسة إني ظالمها
إني ما بقتش أكلمها
وكمان مش حاسة إن أنا مظلوم
أحسن حاجه إنها صابره
وبتشوف تلضم لي الإبره
ومهما بيحصل وبيجرى
بتفوت وتعدي اليوم
أحسن حاجة إنها مش عارفه أن انا مهموم
أنها مش شايفه أني ما بضحكش وكلي هموم
أحسن حاجة إنها عرفاني إنها حافظاني
ولما تقوللي خلاص آه ياني
مابتقوليش أبدا طلقني
بتسافر لبلدهم كام يوم