اقتراح ممكن مايخلى فى مصر حد محتاج

السلام عليكم اتوجه برسالتى الثانيه لاستاذى رئيس الحزب الموقر فأرجو الاهتمام بها ان كانت تستحق ذالك انا دمعه مصر ... دمعة مصر فى عيون كل مصرى نفسه يحقق احلامه ... دمعة مصر فى عيون كل مصرى متغرب ونفسه يرجع بلده ... نفسه ينام فى حضن اهله ... نفسه ياكل من خيرها ... نفسه يفضل معى اصحاب الصغر ... نفسه يبقى عنده كرامه مش مستهدف من اصحاب المهن فى الغربه .... نفسه يبقى قد كلمة ( ارفع راسك انت مصرى ) استاذى الفاضل انا نفسى اسال سوأل ليه احنا اكتر جنسيه عربيه متغربه فى العالم .. نفسى تبقى مصر جديره بينا نفسي كل خبراتنا متبقاش غير لمصر .. الدكتور والمهندس والمدرس وجميع المهن يرجعوا ويقفوا مع بعض فى بناء مصر الجديده ...ياجماعه مصر فيها خير اكتر من دول كتير فيها البترول وفيها الزراعه وفيها فن وفنانين مش موجودين فى اي بلد وفيها برضه حاجه مش موجوده فى اي بلد قناة السويس وفيها وفيها وفيها ........ انا زى ماقلت قبل كده انى عايشه فى دوله خليجيه وشفت فيها حاجه جميله جدا لو عملناها فى مصر مش هايكون فيها محتاج ( بيوت الزكاه ) بيتبرع فيها اكتر الناس بكل حاجه تتخيلها ملابس وفلوس واكل مش بأمر من حد ده فرض من فرائض ربنا والمحتاج بياخد منها مثل المطلقه والارمله واليتيم اي محتاج بعد مابياخد كل المستندات اللي تثبت ذالك وعلى فكره مش اولاد البلد بس اللي بياخد اي جنسيه محتاجه بيعطوها ويمكن عشان كده ربنا بيعطيهم لان من اعطي من خير الله زاده واعطاه اكثر من عنده ... وهو ده موضوعى او اقتراحى... انا معنديش خبره في سياسة مصر فاأعتذر ان كان اقتراحي تدخل في شئون مصر .. بس انا شفت حاجه حلوه في بلد فاقلت ليه مااعرضها على حضرتك وبلدنا مش اقل من اي بلد وعلى شرط مش هانجبر حد يتبرع هى حاجه بتتعمل طبيعي .. احنا فى بلدنا ناس اغنياء ومنهم فى لائحة اغنياء العالم وعندنا الفنانين والرياضيين واصحاب البزنس وكلهم بيدفعوا الضرائب الي مستحقه عليهم وان كان في بعضهم بيتهربوا او بيدفعوها متضررين فااقترح ان نعمل فى كل
مكان فى مصر بيوت للزكاه توضع فيها فلوس الضرائب اللى بتتاخد من اللى عنده وتعطى للي ماعندوش وبكده اللى بيدفع الضرائب يكون راضى وفى الوقت نفسه يعتبرها زكاه ... ياجماعه في ناس عايشه في فلل وقصور وناس عايشه في عشش وناس بتاكل جمبري واستاكوزا وناس مش لاقيه الفول ........ ياعالم دي مصر فيها خير والله يكفي العالم بس ياريت نقسمه علي بعض