حلم مصر

سنين فضلنا نحلم بمصر تانية ... كنا فاكرينها هاتضيع من إيدنا
لكن قَدَرنا اتحقق عشان حلمنا ... حلمنا اللي قويناه بإيمان مننا
الحلم اتحقق وعيوننا غرقانة بالدموع
دموع الفرحة سيالة , خلاص نسيتنا كل الجروح
افرح دي بداية حلم مصر المحروسة
الحلم اللي اتكتب بالدم , ودم الشهيد عمره ما يروح
افرحي يا أم الشهيد مصر شاهدالك
هديتك إبن بطنك عند ربنا ,بيقولك أنا لسه فيا روح
يا فرحتك يا شعب الفرحة مكتوبالك
فرحة هتنسيك كل اللي فات , فرحة تشفي الجروح
إهداء : أهدي كلماتي إلى كل الشعب المصري وإلى آهالى وأمهات الشهداء وإلى كل من شارك ولو بالدعاء في هذه الثورة البيضاء .
كتب : د. محمد عرنوس
dr.m3rnous@gmail.com