بتحب مصر بجد . . .

اسأل انت بتحب مصر . بجد بجد بجد . طيب مسألتش نفسك . انا بعمل كده ليه . علشان يتصلح احوالنا وتتغير سياستنا . ونشعر بحريتنا . وبكرامتنا .والله انا معاك . طيب أسأل انت مصر بجد . ياه كل شويه بتحب مصر بتحب مصر ومين مبحبش مصر . طيب واحنا عملنا كله ده مش عشان مصر . كلامك اعجبني . يعني انا عاوز اتفق معاك على ان مصر بنحبها كلنا . وعاوزين مصلحتها وتقدمها . طيب اذا قلتلك ان المطالب الي طلبناها بدأت تتحقق . واعطيك مثال . المفسدين السابقين تم التحفظ عليهم ومنعهم من السفر . وايه كمان . مشيين في تغيير مواد الدستور . وايه كمان . الريس مش رايح يرشح نفسه ولا ابنه . وكمان الحزب الوطنى لما وصل للقمة بدأ المنحنى في النازل .مين كان يصدق الكلام ده . قبل 25 يناير . انت تعرف ليه . علشان انت كنت محترم . وكنت تطلب التغيير وانت محترم . وكلنا والله كنا معاك . قلبا وقالبا . لان ده رايح يعود علينا وعلى اجيالنا القادمه بالخير . بصراجه هو كان شئ كويس لا يختلف عليه اثنين . والحمد تحققت المطالب المشرعه والتى كفلها لنا الدستور . طيب بعد كده مش المفروض نراقب الحكومه هتعمل ايه . هتبدأ تعدل الدستور ومحاسبة المتورطين في اخلال امن بلدنا . طيب لو معملتش كده الحكومه . يبقى ميدان التحرير موجود . متقلش هي هتكون ثوره بالتقسيط . العالم كله عايش بالتقسيط . انت في حياتك مشترتش حاجه بالتقسيط . لو ما كنتش اشترية قبل كده . جرب التقسيط . للعلم ميدان التحرير .متخفوش مش رايح يتنقل من مكانه ولا احد رايح يشتريه . طيب بالعقل احنا المصريين بجد قاعدين في ميدان التحرير ليه . ايوه فاعدين علشان الريس يمشي من بلدنا . حاسب شويه الريس ده مواطن مصري عاش فيها وحارب من اجلها وهيموت على ارضها . هو انت مسمعتهاش منه . لالالالا لازم يمشي . طيب تتوقع لو انه مشي البلد رايحه تستقر ويعود الامن مره تانيه . اه اه اه هيعود والظلم رايح يمشي . طيب متتوقعش ان الكل رايح يتسارع على الحكم وتبدأ المصالح الخاصه تلعب دورها . والاحزاب الي احنا منعرفش عنها حاجه رايحه تتسارع على الكرسي . وكمان تتدخل الدول الي نعرفها والي منعرفهاش . انا عاوزك تفكر تفكر بجد . انا اقول بالعكس لو ان الريس قال انا همشي . نقول هتمشي ازاي والبلد زي ما انت شايف لازم تسلم البلد عمرانه سليمه علشان الي يجي من بعدك ميقلش انا استلمتها كده . يبقى من مصلحتنا ان الريس يكمل فترة رئاسته . ولا انت مازلت مش قادر تستوعب الكلام ده . احنا بس نصلح علاقتنا بالله وربنا هيصلح لنا شئوننا . للعلم اوعه تقول اني اتبع للحزب الوطنى والله انا لا اتبع لاي حزب ولكن انا مصري بحب مصر ويؤلمنى ما اره من قتل المصريين بعضهم بعضا . يؤلمنى ما اراه الان في بلدنا الحبيبة . اللهم من اراد مصرنا بسوء فاجعل كيده في نحره ومن اراد مصرنا بخير فوفقه لما تحب وترضى .