مصطفى طلعت : أتمنى أن تأتى أسرار جحا فى تسريبات ويكيليكس

جحا ده محيرنى والله زى ماهو محير ناس كتير فى مصر وفى العالم العربى ممكن أمريكا كمان _ تيجى الطوبه فى المعطوبه وتقع المستندات والتقارير والذى منه فى ايد واحد مؤسس موقع كبير لكشف الحقائق_ اخباره بايته ويمكن معظمها مكشوف اراهن ان فى صحفيين بعيد عن مسرح الجرائم اللى هوه اتكلم عنها كانو عارفين كل حاجه _ بس الفرق هنا بين ده وده شوية حاجات :_ إن الصحفى بتاعنا غير موثوق فيه زى اى حاجه بتتصنع عندنا مشكوك فى صلاحيتها لكن الصناعه الامريكيه تمام -تانى حاجه الوقت اللى جات فيه التصريحات والتسريبات دى بالله عليكم حد ممكن يصدق ان امريكا بتمشى ورا رأى حد من رؤساء العرب ، أمريكا عايزه تحل مشكلة فلسطين طب ماتحل ولا انتظروا يمكن تطلع وثيقه تقول بإن القذافى قال لوزيرة الخارجيه الأمريكيه استنو شويه أصل فيه شوية مصالح عايز اعملها وبناءا عليه أمريكا رفضت التدخل لحل المشكله الفلسطينيه وانسحاب اسرائيل من الارض المحتله -ماحدش سأل نفسه ليه أمريكا محتفظه بالوثائق والمستندات دى ليه ممكن تكون بتفكر تزل بيها رؤساء العرب مثلا يعنى ولا عايزه تثبت شطارتها، طب مفيش حد من الرؤساء الحلوين المذكورين بالخير يرد بوثيقه يكون مخبيها ولا مفيش ثقه وبيقفل على نفسه فى إجتماعاته الاوروبيه والامريكيه وممنوع دخول أحد ويشعل اللمبه الحمرا ، لاحظ كمان إن معظم التسريبات جاء فيها إما على يد سفيره أو وزيره يعنى واحده ست ، يعنى ممكن تكون المشكله فى الاخر رغبه أو طفاسه بعيد عنك _ بس ااقولك على حاجه فى سرك وهتتسرب أنا عارف ( كده احسن إنت تعرف إن تليفون اوباما مارنش من ساعة الفضايح دى ماظهرت كل رئيس عربى حلف بينه وبين نفسه ماهو قايل حاجه تانى وسبحان الله مكممين أفواه الشعب وجالهم اللى يحبس كلامهم ربك كريم والله) بس لما جيت أدور على جحا مالقتهوش عارفين جحا ايه اللى حصل معاه :-جحا كان كل ليله يعمل نفسو نايم ومراتو تصحيه يقولها عايزه ايه يا وليه سيبينى انام فيه مصالح بكره ورايا ، تقولو نام يا جحا ، بس انا مصلحتك الأهم ، أنا عارفاك بتفضل تلف فى البلد وتدور من غير فايده وتقعد فى دوار العمده من غير فايده ولا يوم فكر يعطيك نشان ولا حتة ارض تزرعها زى ابو المحاسن صحبك ، وفى يوم جات مرات أبو المحاسن تقول لجحا على سر كبير ، قالتلو فى بير يا جحا ، قالها عيب إعتبرى نفسك قلتى لميت مش حى وانت خابره الميت مش بيتكلم ، قالتلو : أبو المحاسن مش راجل ، قالها : كيف يعنى ، قالتلو : مش راجل ياجحا يعنى مش زيك مع مراتك اكيد ، وجحا بينو وبين نفسو بيقول ده سر واحد ولا سر اتنين ، أنا وجوزها زى بعض يعنى الهم بقى همين ، لكن جحا رغبة منها أقسم وبشرف مراتو ما هو جايب سيره لحد ابدا ، وكان أبو المحاسن كل يوم عند جحا فى البيت ماهو صاحب جحا ومفيش لافرق ولا تكليف بينهم _راح جحا واخد أبو المحاسن على جنب وقاله فيك من يكتم السر ، قالو فى بير ولا أقولك إعتبر نفسك قلتو لميت هوه الميت بيتكلم يا جحا يا اخويا ، قالو : لا ، قالو جحا : أنا مش راجل مع مراتى ومن غير ما افسر اكيد انت عارف انا اقصد ايه _ قالو : خابر والله وقلبى معاك _ بس شوف يا جحا أنا هساعدك فيه واحد حكيم فى بلد بعيده لو توصلو ترجع اسد مع مراتك ، قالو : الصبح اسافرلو _ نسى جحا ان اللى بينصحو عندو نفس المشكله _ وسافر جحا ورجع لقى مراتو حامل ولقى مرات أبو المحاسن حامل _ ومسك الوليه مراتو وقالها خبرينى مين عمل فيكى كده : قالتلو إسأل العمده مش هوه العمده يعرف كل حاجه _ راح سأل العمده _ تعرفو العمده قالو مين خانك مع مرتك : قالو خانك مع مرتك صحبك وحبيبك أبو المحاسن _ وجحا يعينى صدق _ماهو اللى خبرو بكده مش حد وبس ده العمده_ بالله عليكم ده كلام _ ياريت ويكيليكس يقولى مين اللى عمل عملته مع مرات جحا ومرات صحبو ميييييييييييييييييييييييين؟