المودة والرحمة جعلهما الله فالزواج وامرنا اننلتزم بهم ولكن للاسف مايحدث هذه الايام ليس له علاقة باي منهما في بداية الامر تجد البنت مجبرة للمواقة علي هذا الرجل الذي يدعي زوجها وتجدها تقول اهي جوازة والسلام طالما اهلها وافقو عليه ووجدو فيه المواصفات اللي تناسبها من وجهة نظرهم وهي بقي خد عندك (شقة سوبر لوكس -شبكة اغلي من شبكة اخر بنت اتجوزت فالعيلة - موبايل احث موديل - مفيش مانع عربية جديدة وغيره وغيره حسب ميزانية العريس طبعا) .كمان من ناحية الشاب تلاقي الام تقول له هي دي اللي تنفع معانا بتسمع الكلام وست بيت ممتازة ونفسها فالاكل لايعلي عليه ومدبرة وتعدد له بقي فالمزايا قولو لي بقي جوازة زي دي من فين تيجي فيها المودة والرحمة وهي فيها شعور داخلي بالطمع او بيع وشرا وتلاقي العريس قاعد مع الاب في حوار بيع وشرا حتدفع كام وحندفع كام حتجيبو ايه وحنجيب ايه لا انا مكتبش قايمة والاب يصمم القايمة دي اهم منك طبعا ومستقبل بنتي وحياتي ومستقبلي .كلام بصراحة يغيظ ونيجي فالاخر نشتكي ان البنت مش طايقة الشقة السوبر لوكس واتنازلت عن الشبكة الغالية والعربية مقابل انها تاخد حريتها والمحاكم بقي مليانة اللي طالبة الطلاق واللي خدتها من قصيرها وخلعت لسة حتستني طلاق و10 سنين من عمرها يضيعو فالحالة دي هي كسبت ايه ولا حاجة فالحالتين خسرانة لا الشقة سعدتها ولا الشبكة اتهنت بيها ولا العربية عيشتها مرتاحة ياريت نفوق ونشعر بالمودة والرحمة ونحاول نختار صح ونمشي فالطريق الصح . يعني لقيت البنت المناسبة وشعرت بالتقارب والتآلف بينكم اتقدم وتمسك بيها وهي لما حتلاقيك كده حتتنازل عن حاجات كتير من المهاترات دي لاشبكة ولامؤخر ولا كلام فارغ المهم التوافق النفسي والروحي . انا منتظرة تعليقاتكم واللي عنده حاجة ياريت يضيفها ولو عندك حكاية حتي ان كنت سمعتها اكتبها علشان كلنا نستفيد قبل مانقع فالشبكة اللي بينصبها لنا اللي جوالينا بحجة حاسب ..حاسبي قربتو تعنسو