الحمار وسيارة فرشوطى النصف نقل .ومكاتب الحكومة

عندما وجدنى حماري جالسا مهموما ... اقترب منى بهدوء ومسح على رأسي بوجهه قائلا :
لماذا كل هذا الهم ... لقد دخنت اكثر من علبة سجائر ... والسجائر تسبب
الوفاة .. قولى ايه اللى مزعلك يا أستاذ فرشوطى.
- قلت ... اسمع ياحمار
أفندى اللى قاهرنى ومزعلنى :لقداشتريت عربية نصف نقل وشغلت عليها الواد
زعبولة الغبيط ..وعلشان هو غبيط معرفشي يرخصها ... رحت انا المرور ..
ارخصها ...وصلت للشباك بعد ساعة من وقفتى فى الزحمة ...
- قلت للموظف عايز ارخص العربية
- بص فى الورق وقاللى .. اولا لازم تأمن على العربية
- قلت ماشي .
- قال .. ولازم تشتري طفاية حريق .
- قلت مايضرش .
- قال- ولازم تشتري دوسيه .- قلت سهله ..
- قال ولازم ترفع البصمة وتفحص .- قلت افحص؟ ياعم انا مش مريض .
- قال مستهزءا : عم؟ .. عم ايه أيه يابنى؟ ...
-
قلت اسف ياباشا . قال : اى كده انعدل .. وتروح تفحص العربية عند المهندس
بتاع الفحص احسن العربية تكون مفوته وبتطلع دخان ... والعادم يضر بصحة
الإنسان ويدمر البيئة..قلت بس العربية : لسه جديدة .
- قال الموظف صارخا لا
تقاطعنى .
- قلت اسف ياباشا . (ابتسم الموظف واحسست بأنه اصبح راضيا
عنى ).
- وقال :وتشتري العلبة الطبية والمثلث ...
قلت فى نفسي ( احنا كده
وصلنا لمثلث برمودا )من عنية ياباشا .
- قال وتشتري دمغة شرطة، وتدفع 600 جنيه ضرائب للمرور...
-
قلت دا واجب وطنى علشان تقدروا تصلحوا الطرق واشارات المرور اللى مش
موجوده اصلا ... وتدفعوا للجان اللى بقابلنا فى الطريق فاتحين ايديهم على
طول.
- قال الموظف ايه يا بنى انت حاتدينى محاضرة ... روح اجري ياسطى اعمل الحاجات دى وتعالى وتمضى الضابط على الورق اللى معاك ده. قلت
فرحا ... وحاتدينى الرخصة . قال ساخرا . رخصة ... رخصة أيه ياسطى ؟ احنا
لسه بنقول ياهادى.
- قلت فى سري حتى لايسمعنى ( امال لوكنا حانقول ياباسط كنا
حانعمل أيه)... وسألته بمهانة ... فاضل ايه تانى ياباشا؟ .
- تطلع على مصلحة الضرائب تفتح ملف للعربية وتخليهم يبعتوا لنا جواب على البوسطة يفيد بأنك فتحت ملف ودفعت الضريبة . قلت: ضرايب طيب و 600 جنيه اللى قلت لى عليهم دول ايه؟.
- قال : أنت حاتعلمنى شغلى دى ضريبة للمرور... نفذ واسكت .. احسن وحياة امك ماحتشوف رخصة لعربيتك دى لو حتى شفت حلمت ودنك.( همس زعبوله العبيط فى اذنى ... قائلا عرفه بنفسك قوله انت مين؟)صرخ
الموظف انا مش فاضي لك شايف الزحمة . قلت اسف يارئيس البر كله . اتفضل
اطلب وانا لازم انفذ ... بس نفسي تهدى نفسك الدنيا منفاته.
- قال اسمع ياسطى : على مالجواب مايوصل لنا بتاع مصلحة الضرائب. تكون خلصت المؤسسة . خد ادى جواب للضرائب .. و ده جواب المؤسسة.
- قلت .. وانا اغنى اغنية ندم ندم ندم ... اشكرك يا استاذ .وخرجنا .. انا و الواد زعبولة الغبيط.... هو يضحك وانا اغنى يامصري ليه دنياك لخبيط والعنكبوت عشش على البيت.....وعندما
نظرت الى الواد زعبولة الغبيط نظرة قرف ... كتم ضحكته وقال بقولك ايه يا
استاذ ماتتصل بحد من معارفك وهو بتليفون يخلص لنا القصة دى كلها . وضعت يدى فى جيبي لم أجد التليفون فقد سرق منى فى الزحام.وبدأت رحلة اخري مع الضرائب والمؤسسة.رفع الحمار رأسه وقال ... مش عايز تسبنى وتركب عربية ... اشرب بقى ياعم فرشوطى.
----------------------------------------
(فرشوطى محمد .. صحفى ساخر)
عنوان صفحتى على الفيس بوك
http://www.facebook.com/?ref=home#!/profile.php?id=100000854442640