الموطن الآصلى

مصرى ده موطنه الآصلى
عثر عليه من سنين
جوه زنزانه سجين
بينادى على الحريه
بس الحريه فين
الآسم : مواطن أمين
السن : عايش من سنين
العنوان : بيدور على الطريق و تايه من سنين
الحاله : ضايع فى الدنيا مش عارف رايح فين
الوصف : دى حاجه سهله مش محتاجه لعينين
هتلاقيه فى كل حته بيداس بالرجلين
بيصرخ و لا حد يسمع
و مين ها يحس مين
السجن ده حاجه صعبه
و بقاله فيه سنين
بيقضى فيه العقوبه
و مين ها يشوفه مين
الكل عليه بيتفرج
و لا حد عليه رحيم
خلاص مبقاش فى زمه
و لا حتى فى ضمير
المصرى ده أيه تاريخه
و لا حتى هو مين
ده مجرد كلب عايش
فى السجن من سنين
و مين بس ها يفهم
و مين ها يحس مين
الزياره خلاص أنتهت
و بنعتز للجمهور
الحديقه مغلقه
و على موعد للظهور