كلمتين بعد التحية

القمر نازل عشانك
ياللي في التحرير ميدانك
افتحي للنور بيبانك
واشرحي معنى التاريخ
مصر ياآمنه في حصونك
لون ملامحي نفس لونك
الخريطه لو بدونك
تترمي بره التاريخ
كلمتين بعد التحيه
مصر يا احلى صبيه
ارحمي الشوق اللي فيا
قلبي تاه وسط التاريخ
ميم وصاد والراء اخرها
يوسف الصديق سكنها
لما موسى عام في نيلها
عيسى جالها وده تاريخ
مصر يا احلى المداين
بحر مليان بالسفاين
امسحي اسم اللي خاين
واكتبي انتي التاريخ
متلاقيش في القلب تاني
حد يشغلي كياني
طاب اذا نسيتك ثواني
ابقه مش فاهم تاريخ