حواديت

مليت من الحواديت
فوازير وكلام وحديت
إن انت يا صبح تهل
ولا نوم ف عيونه لقيت
القلب عايز له مراوح
والفكر واخدنى وسارح
أتخدر جسمي وطايح
في نجوم السما عديت
مش قادره ايديا تطبطب
ولا بين الشعر تسبسب
بداري الغيظ واتحسب
ودماغي في أجدع حيط
من بدري بروح متزلزل
على شغل ورايًا متلتل
وشوارع زحمه وتهبل
من حاله وحالى بكيت
الرحمه شويه يا عم
غفًَل حبه وهٍم
دقيقه وبعدين أوم
ف مالطة زعقت نديت
الصبر احتار من صبري
ولا نافع رجا أو خاطري
الأمر خلاص مش أمري
م الأول تانى بديت
حدوته وراها حدوتة
م الحلوة أو ملتوته
كان فارس أو بنوته
فتًحتْ عنيًا لقيت
بأيديه محاوطنى حاضني
وكأنه أبويا مش ابني
النوم على سهوه أخدني
وكأني لنفسى حكيت