قصيدة عمده خواجه

فرح العمده بدأ .... واللحم فيه اكوام
مبنحبوش وحنروح له .... وحنقول له ياباشا تمام
العمده قاعد على الكنبه .... وحواليه الجميع خدام
مسند ورا ضهره .... وأما الكرش من قدام
رفع الحواجب في الهوا ..... قال اسمعوا ياكرام
تسمع كلامي ياجدع .... تاكل كمان وتنام
تعصى الأوامر ياولد ..... حتشوف عذاب وآلام
الكل ساكت يستمع ..... والجوع ده له احكام
بصيت على عوضين وقلت له .... قوم يلا بينا قوام
اصل المكان مش محترم ..... ولا فيه أدب ولا في احترام
ومشينا خطوه ناحيته ..... قلنا نشوف مين سام
عمده خواجه في البلد ..... يحكم سنين وأيام
ورفعت ايدي بالعصا ..... وضربته ضربه تمام
اتاري العمده من خشب .... والأمركه كدب وخداع وأوهام