فتح المزاد

فتح المزاد للنصابين
فيه كام عميل جوه المزاد
وهيشترى ويبيع فى بلده كمان لمين ؟
مش احنا شعب الصابرين
ومنتخبنا منتخب الساجدين
على الالم وع المحن وعلى الفساد
هنبيع وطننا ونشترى بدله السلاح
مش قولتوا حى على الكفاح
كفاح كفاح خلوها يلا سداح مداح
والكل راح يدفع تمن اللى اشتراه فى مكتب الارشاد
فتح المزاد هرمنا حلو بقى له يجى سبع تلاف
والنيل بيحمى مصر دايما م الجفاف
وسنينك الجاية يا مصر انا شايفها من بعيد سنين عجاف
وادى القناة مكسب كبير من يشترى
يلا اشتروا ما خلاص بقى الشعب ده ما بقاش يخاف
يلا اشترى وهتاخد الخصم المتين
وتعيش كمان فيها أمين
يادى الزمن آآآآآآآآه م الزمن
كله تجارة والسلام
وانا قلت من فترة خلاص خلص الكلام
الكلمة جفت فى الحلوق
وناس كتير معندهاش بقى اى ذوق
وأدى العقارب كلها خرجت خلاص برة الشقوق
ومعاها ضاعت للأسف كل الحقوق
فتح المزاد
كتبى وأوراقى القديمة فى المزاد
تاريخى كله خلاص ها ابيعه فى المزاد
وأصحابى وأولادى وأهلى كلهم دخلوا المزاد
يارب مش قادر خلاص فوق لنا كل العباد
بيع كل حاجة .. هتشتهى فى يوم السكن
وهتبكى وحدك فى الآلام وفى المحن
لو كل مال قارون فى ايدك
هتلاقى فين حضن الوطن
ما خلاص بقى فتح
..