يا مصر كدابينك سجانينك

الكدب مش طبعنا يا شعب مصر النبيل
واللى كدب مرة مش ممكن هيبقى سليم
اسود قلبه من الكدب وعاش فى الغل
هيعيش ذليل وبرضه هيموت ذليل
يلا يا كدب استخبى وسع لنور الحق
هتعيش سجين جو صاحبك
أوعاك تقولى لأ
النور هيسطع يشقشق وانت مصيرك حرق
دارى على بلوتك ياللى ابتليت دارى
انا نبض قلبى اللى شافك شاهد على كدبك
ورغم قسوة طباعك واقف ومستنى
مش هنحنى ليك وها أحافظ على جارى
مصر القوية العظيمة.. شافت قسوة طول العمر
متعودة عليها وبتنهض ما تموتشى
والكدب طابعه ردى وعمره ما بينامشى
واحنا اللى زارعين غيطانها كلها بالصبر
نتعب نقول أمنا فى الشدة بتضمنا
وأنت يا كداب أهملتنا وفرقتنا
لكن ورب العباد لنعود من تانى
نبنى التاريخ من جديد .. ما هو ده طبعنا