مكتوب عليك يا وطن

مكتوب عليك يا وطن تفضل حبيس فى الاسر ..
من حبى فيك يا وطن ها اكتب على بابك ...
وطنى الشديد القوى ممنوع عليه الكسر
يا اهل الكرم والرضا وطننا بهتدلتوه
على طاولة الميسر قعدتوا قسمتوه
اسلامى علمانى ليبرالى
وشيوعى وفلول وضيعتوه
لكن هيبقى الوطن رغم المحن صامد
كاتب على بابه اللى يعدينى يتوه
يا مصر يا أم الرجال راحوا الرجال على فين
بيقسموا فيكى وكله باسم الدين
زعلوا الحبايب قوى ووقفوا على بابك
سامعين انين الوطن
وبيسألوا فى الناس صوت الانين ده منين ؟
يا اللى رميتوا الوطن فى المر والضيقة
حاسبوا على نفسكم يا أهلنا شوية
أصل الوطن يمرض لكن يا ناس ما يموت
وهتصحوا يوم من الكسل فى زنقة وفى ضيقة
يا مصر دا انتى التاريخ والهيبة واللمة
عمرك ما شوفتى الرقاد بمهانة ومذلة
اصحى بقى وانفضى كل غبار الحزن
ونورى العالم وجمعى الامة
لملم ودلاك يا وطن من التوهة والغربة
وعلم الناس ان الحياة صعبة
محتاجة قوى للعمل مش شغل قلنا وقال
ما هو هييرجعوا فى حضنك يا يتوهوا فى الغربة
..