............ وليه نبكى على الدنيا .............

وليه نبكى على الدنيا ثوانى الدنيا بتعدى
وطفل اليوم صبح شايب عليه العُمر مايهدى
يادوب للعلم بيخلص يجيب العقل ويودى
سنين عمره خلاص راحت
مابين علمه وبين جدى
وتاه ف الحياه وحده
مابين خبته وبين جده
مابيت حزنه على حبه
وبين انسان يكون فاسد
يروح للباب ف يسده
ولو يصرخ ب 100 صرخه
ياناس ساعدونا بالدنيا
يلاقى حرامى بيقوله انا آسف وكان ودى
واحسنلك تنام ترتاح واهى فتره وهتعدى
وفعلا عدت الايام
وضاع العمر ع الفاضى
لا اخ بينفعك يابنى ولا قاضى
ولا زوجه ولا عيل يكون نني
وانت ف الحياة داير
كما البقره بناف ساقيه
وكله ينادى وبيصرخ ياابقره ليه مابتشدى
وكله عاوز الميه
ومش عاجبه تعب كدى
ولما الصحه تتهالك
وتصبح جسم متهالك
تلاقى الكل بيقولك
عملت ايه وفين مالك
ساعتها بس ياولدى
تحس بعمرك الهالك
وتبكى بجد على حالك
وتصمت ع الكلام كله
معدش خلق تتناهد وتاخد مره او تدى
فإوعى تآآمن الدنيا
وتعمل فيها واد عنتر
وفجأه تلاقى احوالك
وعمرك قاعده تتبحتر
بقيت وحدك على الدنيا
وعشت وحيد ف الدنيا
وروحت وحيد من الدنيا
ومرتحتش ولا ثانيه
وتلقى كلمه على لحدك
ومات والبقاء لله
وكان موته مرض معدى
احمدعامر .....Ahmed Amer
ننوة ان ماينشر حق مسجل بالهيئات المنوطه بلك 9104/2019 س م ب