ابداع

1. كانت روزاليوسف دائما رائدة فى إثراء الصحافة المصرية بفن الرسوم الصحفية، وتبني وتقديم شعراء ورسامين هم الرواد «الآن» بدأوا مشوارهم الإبداعى على صفحاتها ثم أثروا بعد ذلك الصحافة المصرية والعربية.


وحرصًا منا على استكمال دورنا فى الريادة والتميز نقدم هذه المساحة الأسبوعية لإنعاش ذاكرة قرائنا بالرواد فى هذا المجال «رسمًا وشعرًا» ونعطى أيضًا الفرصة بعد ذلك لإبراز إبداعات شعرائنا ورسامينا الجدد فى محاولة منا لإعادة تلك العلاقة الوثيقة بين روزا ومحبيها ولتكن البداية مع رسوم حجازى وأشعار صلاح جاهين وبيرم التونسى وفؤاد حداد.

الجماهير

م المستحيل أنت تخدع أى طفل صغير

لكن بأهون طريقة تخدع الجماهير

خليل يصقَّف، يصقف شعب ويا خليل

وحمار يغنى، وجايب من يقوله له: آه

الحق يخفى وفى وسط الزحام ينداس

ويساعدك الحظ ياللى تحسن التجعير

وتلف عقله وتعطيه القليل بكتير

لو كنت أغبى غبى تجرى وراك وتسير

من غير ما يسأل عن الأسباب والتفاصيل

حالا تقول الخلايق كلها ويّاه

وناس فى فهم الحقيقة، تتكل على ناس

بيرم التونسى

وكلنا أهل و بلديات
صحبة ولاد سمر طول العمر يحيونى
منورين فى خيالى وقلبى وعيونى
صحبة بحاروه وصعايدة
وإنسانية ومعايدة
على الحبايب حبايب
والزرع نادى وطايب
والنيل جميل السواقى
حضنت أرضى وسمائى
من كل عزبة وبندر
عرق على الرمل أخضر
وايدين عفية وصلبة
دول اللى بيغنوا صحبه
أولاد على الجبهة أوطان الشرف والعرض
فى كل كلمة تؤدى الفرض نسمع نبض الأرض الحامل
الجندى الفلاح
قمر مصور

أنا المغنى الأصيل والعاشق المحسود

فى حسن أم الجمايل والجدايل سود

قمر مصور

قمر مصور هدانى لبكره ولبعده

هدل شعوره غزل نوره صدق وعده

يا ورد من ورده يا نواره البساتين

يا نية الفجر أطيب من شراب التين

الفجر نور

الفجر نور يا ناسها وزرعها وطيرها

لا اعرف أغنى ولا أعرف أشوف غيرها

من أول الدنيا فى عيونى لآخرها

مصر الحبيبة على كل البشر خيرها

ع الأصل دور

فؤاد حداد



الوليف الباقى
مالى غير

الوليف الباقى طير

من شقاى ومن شقاه

إن قلت آه

يقول لى خير

على حبة ميه عشنا

لسه أول يوم واحشنا

والهوى لسه فى ريشنا

بينا غشنا

ومالى غير

كل أحلامى وآمالى

جت فى باله قبل بالى

عمره أطول سره غالى

يا حلالى ومالى غير

كل فجر فى مواعيده

ملك بيسبح لسيده

والطريق لما نريده

ايده ايده
ومالى غير


فؤاد حداد
الضرائب

يسرنى ويهنينى

أدفع ألوفى وملايينى

أكون سعيد وأكون شافع

مثلا مصانع ومدافع

واقطع لكم لحم كتافى

ولا اشوفش جايع ولا حافى

وبادعى أيام وليالى

وأقول دا مبنى من مالى

ويا سلام لما تجيلنا

يومها صحيح نبقى وصلنا

وابات مضمضم متكدر

مهيه للأستاذ بعجر

اللى ابنه بعته ف أوروبا

قريب زى الضربة

جثة على المكتب قاعدة

ماهيش سياسة ولا عدالة

ونصها التانى عالة
أدفع ضرايب على عينى

لكن تعالوا حاسبونى

لو تتصرف على شىء نافع

ولا على القصر العينى

وأبيع هدومى ولحافى

يغمنى ويبكينى

أشوف كده السد العالى

وكد إيدى وجبينى

النفاثات مع أساطيلنا

وأقول يا عالم هنونى

لما الضريبة تتبحتر

وعبده شخرم بسيونى

ومن فلوسى بيتربى

ويقول مع والدى خدونى

أو فى القهاوى متواعده

الأمة نصها شغالة

يتبط ويقول رقونى

بيرم التونسى

يا بخت من يقدر يقول

واللى ف ضميره يطلعه

يا بخت من يقدر يفضفض بالكلام

وكل واحد يسمعه

يقف فى وسط الناس ويصرخ: آه يا ناس

ولا ملام

ييجى الطبيب يحكى له على اللى بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللى مليان بالجروح

ما أقدرش أقول

ما أقدرش أبوح

والسهم يسكن صدرى ما أقدرش انزعه

شوفى قد إيه؟

احنا النهاردة إيه فى أيام السنة

شتا ولا صيف

وفين أنا

إيه اللى وصّلنى هنا

أنا صاحب البيت والا ضيف

صوتى انحبس

ما اقدرش أقول

ما عرفش حاجة عشان أقول

ما اعرفش غيرك انتى بس

يا بت ياللى فى حبك العقل اتهوس

مكان غريب

كأنه سجن كأنه مخدع لحبيب

كأنه بير

شباك حديد وعليه ستاير من حرير

والريح بينفد منه زى المسامير

الريح عوى

قلبى انقبض

قلبى اتلوى

الشمس تلج أصفر شعاعها صاروخ هوا

الضلمة تلج أسود كتير

ألوف ألوف القناطير

خبينى فى شعورك يا بت

أحسن عروقى اتخشّبِت

شعرك خشن زى الحِرام الصوف يا بت

خبينى فيه م الزمهرير..

ونَيّمينى فى السرير

دخل النبى بردان خديجه لقِّته

حَطِت عليه غطيان لحد ما دَقِته

دخل النبى بردان وقال: فين الغطا

البسمة غطت شفِته
صلاح جاهين