طلقتك بالتلاتة وبطلت اسمع لك كان ايه تاني خلاني ارجع لك شُغلانه خسرانه من غير تمن تؤمري تتأمري وانصاع لك طول عُمرك وانت الشقية مجنونه من لما كنتٍ شراب وخيط وبلونه في الغيط والجُرن والحارة والشونة بيكى اكتفينا لو كانوا يموتونا لفيت وراكي ياما عٍزب وكفور المغرم أنا العاشق المبهور في عٍز البرد أو حرارة الصيف أسألي عنى المنشية وبرج النور فاول .. أوت و الكعبلة بهدله الصبر رغم الطفولة سباق مرجله الجوع والعطش ما كنا بنعرفه أجسام م العرق هفتانه متفتله على كتفي عصاية جدى معلمة في دراعي لسه الاصابة سمه رافض ما اسيبك رغم الجروح حشايا ع الأرض والدم ملحمة صُغَيًره ومستديره صحيح إنما الناس لعشقك مستكينه مسلمه زعماء ملوك فقرا أغنيا قادره وساحره م القلوب متمكنه طلقينى انت بالتلاته وصدقينى وعد منى ابدا ما ه تشوفينى غالب يتغلب ما اشجع منتخب اديني الكارت الأحمر ريحينى