بابا ... علِمنى حب الوطن (1)

مين دول يا بابا اللى بيولعوا فى البيوت؟....هكذا بدأ طفلى الصغير"كرم"الذى تجاوز عمره السنوات الخمس قليلا حديثا متوقعا من كثرة مايرى على شاشات الفضائيات يوميا ،حيث يتكرر عرض ما حدث لمصرنا الحبيبة مؤخرا من حرق وتخريب و بلطجة. فقلت فى نفسى لماذا لا أعلم ولدى حب الوطن ؟
فأجبته عن سؤاله قائلا :" دول يا حبيبى شوية عيال ضحك عليهم ناس مبيحبوش مصر ، وأعطوهم فلوس علشان يحرقوا مصر بلدنا .
يا كرم : أنا عاوزك تحب بلدك ، واوعى فى يوم من الأيام ،حد يقول لك خد فلوس واحرق بلدك ! وتسمع كلامه ! دى بلدنا و حرام الواحد فينا يحرقها . ينفع حد يحرق أمه ؟ فرد كرم لا . خلاص أهى مصر دى أم كل الناس اللى عايشين فيها . يعنى يابابا هيه أم العيال اللى ولعوا فى الشارع والبيوت دول؟ أيوه للأسف يا كرم أمهم ؟ بس دول عيال وحشين وربنا غضبان و زعلان منهم طبعا و زعلان أكتر من الناس اللى أعطوهم فلوس علشان يحرقوا مصر، عارف ليه يا كرم ؟ علشان حرقوا أمهم يا بابا .صح يا حبيبى . قول لى يا كرم بتحب مصر؟ طبعا يا بابا ،بحب مصر وبحبك وبحب ماما ، وبحب اخواتى ومش بحب العيال اللى بيولعوا فى مصر .