الحوار

الليل في صدري
بقاله بدري
إمتى يتحول نهار ؟
إمتى يخرج م الجدار ؟
إمتى أشوف قلوب صافيه ؟
وشمس تبقى بجد دافيه ؟
مطيبة ليل الشتا
مطمنة قلوب الصغار
--------
ابني طفل من البداية
قلبه آن من الحكاية
اتلخبط جواه طريقه
الحوار ما بقاش يطيقه
طفل شايف على الشاشات
استغاثة بالساعات
من سيول من رصاص
من فساد من مرار
--------
الكوارث رأيه فيها
حاجه يتسلى عليها
المذيعة والمذيع
لجل ما الإعلان يبيع
والوطن دا مش قضية
دا حكاية ومنتهية
واللي عايز فجر بكره
شخص غاوي الإنتظار
--------
ابني شايف الخناق
على الشاشات بالإتفاق
كله بحث عن إثارة
وألف طظ في الإنارة
ومصر ماشية بدون إدارة
بالرشاوى وبالشطارة
وشله ماشية بالسيجارة
وغيرها غرقه في الدعارة
والمساجد للكبار
والقهاوي للصغار
والمشاكل ع الشاشات
أزمة زايده بالحوار !!
--------------------------
[email protected]