التحرش

اصغر طفل ممكن يتكلم عن التحرش بس مش هيفيد بحاجه..الموضوع له وجهين
اولا من نظرة الشباب و هي
البنات مش محترمه في مشيتها او لبسها او كلامها و بتقصد اغراء الشباب و لو حد عملها حاجة تعمل محترمه.. فعلا الكلام كله صحيح عدا كلمه واحدة و هي (البنات) الشاب كده عمم الوصف علي الكل و فيه بنات كتير محترمين و احتمال كبير يكون عنده اخت من البنات الي مش محترمة دي بس هو شايفها كويسه.. عارفين لو واحد اخته لبسها مش محترم و مشيتها مش كويسة و بتطلع شعرها من الحجاب و كل الكلام ده و هو بيفضل يعاكس بنات الناس و فيه واحده جارتهم لبسها شبه محتشم بس جميلة و شكلها حلو هيعاكسها و لو سألته ليه بتعاكسها هيقول هي الي بتفتني و بعديها بثواني لو سألته عن اخته هيقولك لا دي لبسها عادي و الي ييجي جنبها اقتله و المفروض يكونوا محترمين... والله؟
ده كلام الشباب عن التحرش تعالو نشوف كلام البنات..
الشباب دول بيعاكسوا الي رايح و اللي جاي و مبيفرقوش بين المحترمة و الي مش محترمه... مع ان ممكن ان البنت الي تقول كده تكون واقفه ادامك زنديقة في لبسها و شكلها بس هي مبرمجه خلاص ان العيب من الشباب
ده الكلام المتناقل بدون اي مناقشه صحيحه او اي حاجه
تعالوا بقا نتناول الموضوع بشكل واضح كده
بالنسبة للشباب
انت بتقول ان العيب كله في البنات طب ليه المنتقبة بتتعاكس..ليه البنات المحترمين بيتعاكسوا و مش بالكلام بس كمان انت لو خليت اختك شكلها محترم و كل واحد عمل كدة فعلا مفيش بت محترمة هتتعاكس و البنات الي مش كويسة هتبقي باينه و مميزة
بالنسبة للبنات
لما انتي محترمة ليه لابسه هدوم مبينه مفاتن جسمك..ليه مبهدلة وشك بالمكياج... ليه مطلعه شعرك من الحجاب انتي لو مسلمه حق تغطي شعرك و رقبتك كمان بالنسبه للمسيحيين عادي ان شعرهم يبان و ملناش اعتراض علي ده انما اللبس الي بيبين الجسم ده الي هو الفيزون و السكيني و الكلام ده كله ايه لزمته..ماهي الي تلبسه ده اكبر اعتراف منها انها عايزة تتعاكس او يتم التحرش بيها... مبقولش ان اللبس لازم يكون واسع اوي يعني بس مش لازق في الجسم برضو لان مش كل الي بيتفتن بيكو بيعاكس ممكن يتفتن بس ميعاكسش و المكياج لتحديد الملامح مش لعب في الوش
و يمكن ده شرح مفصل و حل بسيط لمشكله اكتسحت كل المجالات و الشوارع في البلد