ثقافة حاحا

خرج عم عبده ضد ظلم حاحا
فخرج عنتر لجل ما يخلي نمته مرتاحة
صقفة لعنتر لجل ما يرحل
قالك نحميك ونضفك ونحميك
قلتله ماشي بس العبرة مش في الكلام
العبرة كانت في كرباج وحصان
خلاصة الكلام
نضفت واستحميت و اتوضيت
وخرجت اصلي الفجر وياه
واذا بي القاه
نصب المزاد علي وكمان مناقصة
قلتله هي ناقصة
واتبعت انا في سوق النخاسة
يادي النجاسة
واشتراني العبيد وباعوني من سيد لسيد
مش فارقة سيد ببدلة سودا ولا ببدلة كاكي
كله بايده علي قفاي
الظاهر هترجع ايام كنتاكي
وبيقرا علي قرانه
وبيفتح مزاد برده مناقصة
وان سالته عن النهاية
كان الجواب لما الم الكلاب
شفتو التناحة يادي التناحة
وتقولوي مقوليش حاحا
ياخي ستين الف حاحا
المهم خلاص خدوني وفي العمود ربطوني
كل ما اتسال اسمك ايه حاحا
كل ما يسالوني سنك ايه حاحا
فين حياتك فين مماتك ايه طعامك ايه شرابك ايه ديانتك ملتك
برده
حاحا
اصلها خلصت كفاية بقا اسئلة وتناحة
كلها ماشية بثقافة الحاحا
" من يهُن يسهل عليه الهوان ما لجرح ميت ايلام"
طيب يابني ارجع لاهلك؟؟؟؟؟
هما فين خلاص حاحا
mryehiaasattar@live.com