جمهور اونطه هاتوا سنينا

بندخل الفن ونضيع سنين من عمرنا
وبيبقى تحدى عشان بس نوصل لقلوب جمهور يحترمنا ويحبنا
ومع اول أزمه نلاقى حرب واتهامات وطلقات رصاص من كل حته جتلنا
صعبان عليا اهل الفن دايما متراقبين
ومع كل غلطه يلاقوا حرب كلاميه عليهم بالكرابيج
ومع كل كرباج وجع يوجع قلوبهم من جمهورهم
اللى كانوا فاكرينه ثروتهم طلعوا فى الأخر متأمرين
مع كل غلطه حساب وليه وازاى
وانت ازاى تغلط وكل كلامهم عتاب
وكأن الفنان ملاك اكتب اسمه مع الانبياء
لا يغلط ولا مسموحله يغلط أصلهم نسيوا
قبل ما يكون فنان هو انسان
ما يغلط بتلومه ليه
فى الفن ليكوا اه حق عليه
فيلمه يكون ناجح وصاحب فكره
لكن فى حياته عارف اكيد بيعمل ايه
كفايه كرابيج وصحف صفرا
وكلام ابيح وتراب وعفره
ولو عندك اى كلام يتقال
فيكون فى عمله وفنه ما تزودش كلام
ده ربنا واحد اللى بيحاسب يا بشر
وانت يوم الحساب فص ملح وداب
ولا ليك اصلا اى اثر