حبيبى خليك بعيد

يازايد فى الحلاوة
وزايد فى الدلال
وكلام كله شقاوة
إمتى يعود الوصال؟
....
تقلان والتقل طبعك
بيزين التقل حسنك
أنا مهما أقول فى وصفك
وصفك دا شيئ محال
....
بأعشق فيك الشقاوة
ماهى بتزيدك حلاوة
دا البحر بدون عواصف
بيغيب عنّه الجمال
....
حلّفتك باللى فات
وشطوط لها ذكريات
وغناوى فى حضن موجة
مصحوبه بالآهات
إنك تبقى بعيد
علشان حبك يزيد
وأملا الدنيا غناوى
وأقول فيك الحكاوى
ويقولوا علىّ غاوى
يعشق من غير وصال