رسالة من تل ابيب

لو كل بنت اتحجبت
لو كل واحدة اتحشمت
لو كلوا راعا الدين في لبسوا ومشيته
علي مين تبص !!!
دا يبقي نحس !!!!
لو لقيت سينما نضيفه
طاهره وشريفه
وكل شابة اتأدبت وبقت
عفيفه..
مين هيعدلك دماغك
مين هيظبطلك مزاجك
مين في سهرة انس حلوه
يفرفشك
يرقص قصادك !!!
ايدكم معانا يا شباب
لجل نقضي علي الحجاب
لجل ما يبقي لكوا موضة
بطلت وراحت في التراب
علشان تبص علشان تهيص
مهو لسه قدامك كتييييير عشان خلاص تبقي عريس
بص وركز ف البنات
بص بذمه وبثبات
انسي دينك
انسي وطنك
مش مهم
البنات هما معينك
دا الأهم
وعشانها اسرق واتصطل
انشالله حتي تنهطل
بس المهم
انسي قدسك والقضية
ارمي وسيب البندقية
دا كله هم
عيش حياتك يا ابني عيش
آدي البانجو .... وآدي الحشيش
خمس وعيش
ويوم ما يخلص يا حبيبنا متشتريش
كيفك علينا!
دا من عنينا!
تمنه وصلنا .. يوم ما تنسي قضيتك
يوم ما تكره امتك
يوم ما تبجث عن ايمانك
او عروبتك
متلاقيش
أما انتوا يا بنات
حيلكم معانا يا فضليات
لجل ما نحرر عقولكم
من جهاله وتخريفات
دينكم حرمكم من حقوقكم
سلبها منكم
ولا سابلكوش غير الفتات
يلا يلا اتحرري
يلا ثوري ع العادات
يلا يلا قرري
انك تحاكي العاهرات
معلش قصدي انك تكوني مثقفه
واعية وعارفه المكياجات
يلا يلا اتجهزي
في الموضه يلا ركزي
حطي أبيض حطي أحمر
يلا يلا اتمهمزي
فكي شعرك
عري جسمك
كل ما تتعري اكتر
كل ما تتمزمزي
عندها تبقي وزيره
اوسفيره للنوايا
وتبقي نجمه للوطن
يغمروكي بالهدايا
طب ليه بقي داوشه دماغك
بالمذاكره وبالعلام
والطريق سهل قصادك
للتقدم للأمام !!!
وانت
انت سيبك م المذاكره
قوم وفضك م العلام
قوم وشوفلك كوره والعب
قوم وركز في الكلام
جزمتك ...مستقبلك
بيها تبلغ الاحترام
بيها اسمك راح يصير
اسمي غالي واسم هام
بيها يحترمك وزير
وانت طالع للأمام
هيا دي رسالتنا ليكوا
يا شبابنا ويا بنات
احنا بردوا ادري منكوا
بالتقدم والميزات
وانتوا يا حكام فدوركم
نشر فكري فشدوا حيلكم
اقضوا ع الأخلاق ما بينكم
وانشروا فيها الفجور !!!
خلوا كل الشعب همه
ماتش كوره دا كل همه
أما دينه.. أما وطنه .. مش يهمه
............ لأ يغور
هيا دي رسالة السلام
اللي جت من اسرائيل
عشان يخلوا كل شاب
إما طايش أومطنش
إما جاهل أو .. عميل
لجل ما يحتلوا أرضي
يدوسوا عرضي
ويقتلوا الحلم الجميل
لاااا .... . مستحيل
أبدا وربي لن نميل
وسننقذ الحلم الجميل
إنني حر أبي
لم أكن يوما ذليل
سأظل أكره اسمها حتي النهاية
ويظل قلبي مرددا
تسقط وتسقط اسرائيل
تسقط وتسقط اسرائيل
تسقط وتسقط اسرائيل
محمود غزال