قصة ثورة يناير

فى المدارس قالوا لينا-------- بالحكومة هيصونونا
فجأة شفنا السرح بينا ------واللى يهبش فى المؤنة
والمغرّق فى السفينة--------والمبهدل فى الطابونة
*****
قلت أحلم ييجى فارس------------ويعاملنا باحترام
يبقى خيرها لابنى فارس------ول تهانى ول عصام
وف طابور العيش ألاقى-----وف طابور الغاز نِظام
******
3-لمّا يوم الثورة قامت-------والتقيت الناس بحالها
والميادين استجارت--------- باللّى خالقها ورجالها
والهرم من فرحُه رابِط -- لمّا شاف أسوان نادى لها
******
بلّغى إدفو و قوليلها----------دا الفساد الليلة راح
والبلد بتشدّ حيلها -------------- والتئم كل الجِراح
بكرة فِرسانها تجيلها -------- والأمل يحيى الصباح
******
طنطا قالت بكره نكسب--------والمعيشة تِبقى عال
قول سنة والبلية تلعب -------- وافرحى يا امّ العيِال
فجأة شُفنا الشكل يرعب ------ حاجة فوق الإحتمال
*****
والحريقة طالعة والعة-------دولا يحدف ضد دول
دولا يجروا يمّ دولم ------- حاجة تِلحِس قى العقول
والميدان رمز البطولة ------- دمعه نازل فى ذهول
*****
لمّا شُفت الحرب جايّة------وانتحب دمعى بعينيّة
قلت أكتب , رد لأ ا ----------- القلم من بين إيديّة
وارتعش والخوف بعينه ----- يبقى مين البلطجيّة؟
*****
والتقيت الدِش يِكسِف ---- والفضايح فى الفضائى
واللى نِفسه الفقر ينسف ---- كل حِلمى وانتمائى
والمعلّم والمسلّم ---------- واللّى فكرُه هوّ دائى
******
لمّا قالوا الخلق تِنزِل ------ والقرار هيكون إيديّه
رُحت واخد نفسى بدرى----- وف جرابى زمزميّة
والطابور بشويش بيمشى ----- كلّه نازل بالوصيّة
******
الطابور على قدّ طولُه --- كان أملنا فى الخلاص
حمدى نادر لو يطولُه ------- راح يملِّس ع الإزاز
وإبتسامة فى وِشّ نيلُه ----- بعد أشهر فيها لاص
*****
والمِذاكر خد درجتُه ----------- عدّا ناجح بامتياز
واللى نايم كان ثمرته ------ عجر يكسر فى الإزاز
ليه يخاصم أهل حارتُه --------- الغلابة وعمّ باز

بعد عام حسّيت بنصرى --- والأمل فى مصر لاح
بكره يبقى العِلم حصرى ------- هوّ دربى للنجاح
د الحضارة صُنع مصرى -- نور وحىّ على الفلاح
نور وحىّ على الفلاح