بعد الانتقادات التي تعرض لها تمثال محمد صلاح في منتدى الشباب.. "مى عبدالله" نحاته التمثال ترد

تعرض تمثال الاعب المصرى محمد صلاح الموجود فى منتدى شباب شرم الشيخ لحملة انتقادات عنيفة بسبب عدم ملاءمته لملامح نجم ليفربول ولكونه بعيد الشبه عنه وقد نالت تلك الانتقادات "مى عبدالله" التى نحتت التمثال والتى اشتهرت قبل ذلك بتماثيلها التى جسدت فيها معظم نجوم الفن فى مصر مما اضطرها لأن ترد على تلك الانتقادات من خلال صفحتها الشخصية على موقع التواصل الاجتماعي فيس بوك حيث أكدت أنها عندما بدأت التمثال لم تكن تنوى عرضه فى منتدى شباب شرم الشيخ ولكنها كانت تشرح خطوات النحت على صفحتها لغير المتخصصين قائلة :
لما بدأت ف التمثال مكنتش عاملاه لمنتدي الشباب. ولا للمعرض. بدأته هنا معاكم. وكنت بشرح خطوه بخطوه والمراحل. ووصلنا مع بعض لمرحله كويسه. وكنت بعمله بس لغرض ان الناس الي مش مختصه وعندها الموهبه وعاوزه تتعلم تعرف خطوات بسيطه تمهدلها الطريق انها تبدأ مشوارها. والي عاوز يتأكد يرجع في بوستاتي شويه هيلاقي كل التفاصيل. . وازاي الناس كانت بتستفيد .
يعني مكنش غرضي اعمل تصميم جامد ولا فكره خرافيه قد ما كان قصدي اساعد الناس الي بتسألني. وناس كتير تابعت الخطوات معايا وعرفو ازاي يبدأو َلوحديهم من اول ما بيروحو للحداد ويعملو كاريكاز لحد ما يخلصو الشغل ويصبوه كمان بغض النظر عن الشغل دا هو ايه. دا كان مجرد مثال بشرح عليه.... وكنت بخلصه بسرعه بسرعه عشان كنت بنزل مل يوم خطوه. مع اني كنت مضغوطه في شغل المعرض بس حتي لو شخص واخد استفاد كنت بفرح...
ومع ان ناس كتير ادايقت مني وقالتلي متكمليش خطوات ودي اسرار شغل زي ما سموها الا اني اصريت وكملت عشان يمكن افيد حتي شخص واحد
وتاني خطوه لما قررت اكمله للمنتدي . وصلت لمرحله الجبس الي لونه ابيض فيها دي. وكان عاجبني ومقتنعه بيه. واناعموما مبحبش حد يمد ايده ف شغلي خالص عشان التفاصيل بتفرق...
المهم لما المنتدي قررو انه لازم يبقي التمثال برونز اضطريت اني اخلي حد يصبه برونز. والصب دا بياخد وقت كبير ومجهود بيحول التمثال من خامه الجبس لخامه النحاس. ..
اتفاجأت اخر يوم قبل تسليم التمثال للمنتدي انه كده! اعمل ايه يعني؟
مقدرش مسلموش ولا اقدر اقولهم معملتش شغل لانهم في المنتدي صارفين عليه َ وعاوزينه. لو معرضي الخاص. مكنتش عرضته غير وانا راضيه عنه...
المهم انه طلع ف النهايه النتيجه دي. وانا مش مدايقه ولا زعلانه. ولا ندمانه. لاني عملت الي عليا واكتر وربنا عالم بتعبي. فوق ما اي حد يتخيل... ومادام انا عملت الي عليا ومقصرتش فدي اراده ربنا انه التمثال باظ ف الاخر. والتعليقات السلبيه مش هتحبطني
ولا هتأثر فيا. خااالص اقسم بالله
بس ياريت الناس تتعلم فن النقد بأدب واحترام .
لان مش اي حد يستحمل نقد زي دا. انا الحمد لله قويه
ولو مش قويه مكنتش عملت مشروع التخرج الي مصر كلها اتكلمت عليه. ولا كنت كملت لكن انا هكمل
وهفاجأكم في مشروعي القادم الي التمثال ده بالنسباله ولا حاجه 22 تمثال في معرضي القادم اخر الشهر