وليد منصور لمحمد رمضان.. عمرك ما كنت رقم واحد والمفروض مصر كلها تغير اسمك لمحمد مرضان

بعدما اتهم محمد رمضان وليد منصور منتج فيلم البدلة أنه بيغير فى أرقام الايرادات لصالح فيلم تامر حسنى بالرغم من أن فيلم الديزل هو المتصدر لقائمة الايرادات إضطر وليد منصور للرد من خلال صفحته الشخصية على موقع التواصل الاجتماعي فيس بوك قائلا:
رسالة موجهه مني المنتج وليد منصور إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات .مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده .
وتابع منصور، اولاً انت اسمك لازم كل مصر تغيره ل محمد مرضان لإنك بتفكرني بالمجانين اللي ماشين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم 1 في الإيراد وعمرك ما كنت احد نجوم الصف الاول وانت عارف ان السبب ان فنك هابط يامرضان وملامحك للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام.
وتابع:نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا، قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله علم عليك ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت”.