عكاشة شو ( 2 ) .. كل 10 منتقبات فيهم واحدة بس حلوة !

واصل الإعلامي توفيق عكاشه سقطاته في برنامجه على قناة الفراعين ، لكن هذه المرة لم يكن تطاوله على أشخاص بسبب الاختلاف في التوجهات السياسية، ولكن كان هجومه على السيدات المنتقبات، ومن أسماهم بالملتحين أصحاب الجلباب القصير.
حيث قال عكاشة " والله العظيم اللى بيلبسوا النقاب نصهم استغفر الله العظيم كانوا هيبقوا رجاله، مش حلوين خالص، هما مش بيداروا جمالهم، دول بيداروا وحاشتهم، وقال أنا شاءت لي الظروف أن أدخل مكان كانت به سيده منتقبة طلب منها رفع النقاب، فرفعته، فقلت حمدا لله أنها منتقبة، لأنها لو لم تكن منتقبة كانت خوفت الناس في الشوارع، أو كان ممكن تطلع لعيل في الضلمة يتخض " !! .
وأضاف عكاشة : مش كل المنتقبات وحشين بعضهم، قليل قوي لما يكون في ست منتقبة وجميله، يعني لو عندنا 10 منتقبات تلاقى واحدة جميلة وممكن يخاف عليها أبوها أو زوجها من فتنة الناس ويخليها تلبس النقاب، ولكن الفكرة لم تعد هكذا الآن، البنات دلوقتي طالعين بالمايوهات وبيعملوا الكليبات ويجروا على الشواطيء وحمامات السباحة، ولا حد واخد باله جت عليكي انتي اللى هتعملي الفتنة، وبعدين المنتقبات عندهم خبث جامد، الواحدة منهم تعمل ماسكرة وتضرب كحل جامد قوي ولأن عينيها بس هي اللى باينه ومرسومة صح، تخلي الواحد يقول ياسلام على اللي ورا النقاب تلاقيه جمال محصلش، لكن لو شفتها على الحقيقة تقول الحمد لله إنها منتقبة، يا أختى منتقبة راسمة عينيك ليه بتنصبي علينا ولا على الناس ولا على مين، لازمته أيه النقاب يا ماما، الحمد لله أنهم منتقبات كانوا هيخوفونا في الشارع " ! .
و" أفتى " عكاشة بأن النقاب ليس له علاقة بالدين هو مجرد زي " عايز أعرف هي المنتقبة بتقدم خدمات جليلة للبلد بتنتج بتصلي جميع الفروض " .
ولم يكتف عكاشة بالهجوم على النقاب والمنتقبات بل استطرد في كلامه وقال: وأنت يا اللى لابس جلابية بيضاء قصيرة وملتحي أنتجت أيه لبلدك قدمت أيه لوطنك، عملت أيه لرفع راية الإسلام علميا وتكنولوجيا واقتصاديا، جبت شوية زيت عطور تبيعهم على الرصيف ولا جبت أمشاط وفلايات تبيعهم في القطارات، لو شايف ان فلوس الدولة حرام ومش عايز تشتغل في الحكومة روح اصنع اشتغل نجار أوميكانيكي في ورشة، أو اشتغل في مصنع ملابس خاص، هتقول الملابس التي تصنع في هذا المصنع ليست بزي الإسلام فالعمل فيها حرام، انتج وابني اشتغلوا في مصنع سجاجيد صلاة اللى بنستوردها من الصين، ولا هتقول ان النسيج اللي بيدخل في صناعة سجادة الصلاة لا أعرف مصدره فربما يكون زرع في اسرائيل فأكون قد قد فعلت فعلا حرام، أي كلام وتخريف عشان مش عايز يشتغل!!
هذا ما قاله توفيق عكاشه وهذه هي وجهة نظره .. ونترك لكم التعليق على هذا الكلام !
وأقرأ أيضاً :
آخر تقاليع عكاشة شو : الله أرسلني لتطهير الثوب الأبيض للثورة من الدنس !