باسم يوسف: البرنامج راجع تاني من مسرح راديو

صرح الإعلامي الساخر باسم يوسف مقدم برنامج ''البرنامج'' بأنه هيرجع لتقديم البرنامج من داخل مدينة الانتاج الإعلامي، سواء كان عبر قناة فضائية مصرية أو عربية وفي نفس مسرح راديو اللي بيسجل فيه حلقاته.
ونفى باسم يوسف خلال حواره مع الصحفي ''ليام ستاك'' لصحيفة ''نيويورك تايمز'' حوالين تفاوضه مع التليفزيون الألماني لعرض برنامجه عليها، وضاف بإن في عروض كتيرة جاية للبرنامج منها قنوات MBC وقنوات روتانا.
وأكد علي إن قرار وقف البرنامج بسبب أسباب مالية حسب ما أعلنت قنوات CBC كلام مش صحيح، لإن الحلقات تم تصويرها وتسليمها للقناة حسب العقد، وإنه وفريق البرنامج كانوا مستمرين في تسجيل الحلقات لحد ما اعلنت القناة وقف البرنامج، وقال إن العقد محصلش فيه أي إخلال من طرفهم مع القناة.
وعن رجوع برنامجه وسط الأحداث اللي بتمر بيها مصر قال إن إطلاق البرنامج في التوقيت ده صعب جداً بسبب حالة العنف في الشارع، وإن إضحاك الشعب هيكون صعب، وهيهاجمه اطراف كتيرة متشددة وهيبطلوا يتفرجوا عليه، وده اللي هيخليه يعرف جمهوره الحقيقي.