مثل كل وقت وله آذان أيضا كل وقت وله نظام أكل معين,, تعالوا نشوف د. وفاء وافى –استشارى التغذية العلاجية والسمنة- قالت ايه عن الأكلات والمشروبات التى تزيد تركيزك على المذاكرة اثناء الامتحانات وبعض النصائح للامهات وللطالب . بنصبح البنات اللى بتعمل رجيم بطريقة كميائية توقفه وقت الامتحانات لانه طبعا بيأثر على التحصيل ده غير انه بيزود الاحتياج للنوم والاحساس بالخمول فالاحسن ان وقت الامتحان ناكل نأكل اكلات صحية وفى نفس الوقت مش هتسبب سمنة مثل الخضروات الورقية والبقول والسمك واللحمة كل دى ماكولات لو اتعملت بطريقة خفيفة هتزود تركيزك ومش هتاثر على وزنك لانها مليئة بالحديد والزنك . - اوجه للامهات انها ممكن تزود قدرة ابنها او بنتها على الاستعاب والتركيز بكوب بليلة يوميا وياسلام لو استبدلناه بكوب الشاى لان الحبوب المتمثلة فى البليلة والعدس مليئة بالماغنسيوم و المننجنيز , وكمان لو كل شوية الأم دخلت على الطالب بطبق فيه خيار وخوخ وطماطم وخص عشان يسلى نفسه بهم طبعا هيكون افضل من انه يطلب وجبات سريعة , واهم خطا بتقع فيه الام انها تعمل عصائر فواكهه لان الافضل انها تقدم الفاكهة كاملة للطالب عشان يقدر يستفيد من اليافها لكن ممكن تعمل عصائر خضروات مثل عصير جزر او طماطم. - بلاش الاكل المسبك لان بمجرد اكله الدم بيتجه للمعدة وبيبعد عن الدماغ وفجاة تشعر انك موخم ومش مركز وعايز تنام فايه رايك لو تجرب بدل ما تاكل 3 وجبات تاكل 5 وجبات فى اليوم بس كلهم اكلات خفيفة و احرص على شربة الخضار وابتعد عن المحاشى المكرونات لان فى اوقات الامتحانات حركتك بتكون قليلة فاكيد الهضم هيكون بطىء. .. - اوعى توقف الرياضة اطلاقا حتى فى فترة الامتحانات بل بالعكس زود وقتها لانها بتنشط العقل اكتر من الاكل الصحى , وامنع المنبهات ولو لزم الامر يبقى كوب او اثنين بالكتير ممكن تحل مكانهم الاعشاب مثل الينسون والتليو والنعنان فكل هؤلاء بيساعدوا على تقليل التوتر , وخد بالك ان كثرة الشاى الاخضر خطا لانه بيعتبر من المنبهات واشرب ماء كثير 8 اكواب على الاقل فى اليوم لان هذا يساعد على الاسترخاء وعدم التوتر . - ليلة الامتحان لازم تنام بدرى باى طريقة من الطرق عشان كده امنع الشاى او القهوة او المشروبات الغازية من الساعة 4 العصر وعلى الساعة 7 مساءا تبدا فى شرب كوب لبن او زبادى حتى يساعدك هذا على الاسترخاء , ويوم الامتحان الصبح لازم تفطر حتى ولو 3 ثمرات تمر او اى فواكهة مجففة لان على فكرة الفاكهة اكتر شىء صحى تفطر به الصبح ويستمر فى بطنك فترات طويلة.
