6 إبريل تحشد ل "يوم الغضب" فى ذكرى تأسيسها

تواصل حركة شباب 6 إبريل حشد أنصارها من كافة القوى الثورية الشبابية للخروج فى مسيرات ومظاهرات عارمة فى ذكرى تأسيس الحركة يوم 6 إبريل الموافق يوم السبت القادم، وقد وصفت الحركة هذا اليوم ب "يوم الغضب" ورأت أنه أنسب يوم لتصحيح مسار الثورة خاصة أنه يوافق الذكرى الخامسة لأول تحرك شبابى حقيقى لإسقاط نظام مبارك.
هذا وقد تم تدشين صفحة على الفيس بوك للترويج للحدث تحت عنوان " يوم الغضب 6 إبريل 2013" ونشرت الصفحة منشورا تحت عنوان "كفاية سكوت إغضب" حيث جاء به " عاجبك الحال إللى إحنا فيه ، عاجبك الأسعار اللى بتزيد كل يوم والبطالة اللى بتزيد كل يوم، عاجبك أزمة السولار، عاجبك حال المرور فى الشوارع، عاجبك الزبالة اللى مالية كل شوارع مصر، عاجبك الإنفلات الأمنى والبطالة وإن الشارع مابقاش أمان، عاجبك حال التعليم والفساد والدروس والفشل الإدارى، عاجبك المرتبات اللى كل يوم فى النازل، عاجبك الفساد اللى لسه منتشر فى كل المصالح الحكومية والإدارات والوزارات، دا اللى كنت مستنيه بعد الثورة اللى كانت المفروض تعدل الحال المايل؟ هى دى البلد اللى كنا بنحلم إنها تبقى أحسن .. عارف كل الخراب ده بيحصل ليه؟ علشان برضه إنت لسه ساكت!.
وذكر أدمن الحدث " قمنا بثورة فى 25 يناير ضحى فيها آلاف المصريين بحياتهم عشان حياتنا تبقى أفضل....عشان نعيش بحرية وكرامة...عشان نلاقى العدل...عشان اللى يحكمنا يشتغل عشان مصلحتنا......مينفعش بعد كل ده نلاقى حياتنا بقت أسوأ...مفيش حرية ولا كرامة...مفيش صحة ولا تعليم..الفساد والبطالة والفقر زى ما هو.. 6 إبريل 2013..لأننا صنعنا ثورة ونستحق الأفضل".
هذا وقد دعا أحمد ماهر منسق حركة شباب 6 أبريل للمشاركة فى فعاليات يوم الغضب منددا بنظام الإخوان وداعيا لإسقاطهم.
..
لمزيد من التفاصيل يقول طارق الخولى وكيل مؤسسى حزب شباب 6 إبريل وأحد الداعين ليوم الغضب: كنا نأمل أن يكون يوم السادس من إبريل القادم يوما للإحتفال بنجاح الثورة المصرية ولكن للأسف هذا اليوم يمثل بداية جديدة للغضب لتحقيق واستكمال أهداف الثورة ومن ضمن الأهداف التى وضعناها ضمن خطة هذا اليوم هو التعجيل بالانتخابات الرئاسية والعمل على تحقيق أهداف الثورة بشكل كامل فى العيش والحرية والعدالة الاجتماعية، أما بخصوص خريطة المسيرات فهناك تنسيق وإتفاق بين كافة القوى الثورية المشاركة على أن تبقى الخريطة سرية حتى الآن حتى تكون مفاجأة للجميع وحاليا هناك تنسيق بين كافة القوى والحركات الثورية التى قررت المشاركة حتى يخرج هذا اليوم بشكل مختلف وليس بعيدا عن السلمية ولذلك نحن لم نعلن حتى الآن عن طبيعة هذا اليوم وإن كنا أطلقنا عليه "يوم الغضب" كمؤشر على الخروج فى مسيرات غاضبة وحاشدة.
ومن جانبها أعلنت العديد من القوى والحركات الثورية عن مشاركتها فى هذا اليوم باعتباره بداية أخرى لموجة ثورية جديدة حسب وصفهم .