انتقد الإعلامي أحمد شوبير، عضو مجلس الشعب السابق عن الحزب الوطني المنحل، تصريح صبحي صالح، القيادي بجماعة الإخوان المسلمين، بسبب اتهامه لأعضاء الحزب الوطني بالفاسدين، وأنهم ظلوا يسرقون البلد 50 عاما.. وبدأ شوبير كلامه قائلا: الناس عايزة النفس الحرية العلاج النوم الرحمة الاحترام الناس مش عايزين غير كده في مصر.. وأنا كنت عضو في مجلس الشعب ومن الناس اللي هايطبق عليهم العزل السياسي أصل احنا كنا ولا مؤاخذة زي ما قال صبحي صالح قعدوا يسرقوا 50 سنة .. قطع لسانك يا أخي.. عيب لما تعمم.. عيب السب والقذف وأنت تقر دستور جديد لمصر.. مش عاجبك ناس قدمهم للمحاكمة وشوفهم ناس قدموا الكثير لبلادهم ولا لأ وموتوا نفسهم عشان الناس ولا لأ وقال شوبير، عبر برنامجه "الكورة وشوبير" على قناة مودرن، "قطع لسانك يا أخي، لما تتكلم على ناس أفاضل، وتقول إنهم فاسدين، وعيب إنك تتهم الناس بالباطل.. شوف عملوا لدوايرهم ولا لأ موتوا نفسهم عشان خدمة الناس ولا لأ وانت كنت بتتودد ليهم.. الدكتور عبد الأحد جمال الدين ولا ناس كتير كانوا حرامية؟ فيه أخطاء سياسية عندك وعندهم وهاتفضل الأخطاء السياسية". شوبير لصبحي صالح قطع لسانك احنا افاضل