حتى المشى على البلاج .. ليه موضة !

الموضة لكل حاجة ... ملابس الجامعة والسواريهات والمايوهات ... كل ده سمعنا عنه قبل كده ... لكن موضة ملابس " ماشية البحر " هو ده الجديد اللي هتكلمنا عنه سارة سعيد ستايلست الملابس السنيمائية ..
أول حاجة البنت لازم تعرفها ان موضة lمشاية البحر بسيطة جداً ... فهى الملابس التى تتمشين بها على البلاج ، وكمان أكيد كل بنت هتلاقي قطع كثيرة من الحاجات اللي هنتكلم عنها في دولابها و هي مش واخدة بالها منها خالص .
• خدي بالك من خامات الملابس اللي هتخديها معاكي المصيف و اللي غالبا هتستخدميها بالليل على الماشية .. مهم جدا تكون الخامات من القطن أو من الشيفون عشان تقاوم نسبى الرطوبة العالية في المصيف .
• الفساتين القصيرة اللي عليها رسومات عربية موضة جدا و كمان مريحة جدا في اللبس .
• البنطلونات الجينز المقطعة و البنتاكورات بكلفة أشكالها و انوعها معمولة اساسا عشان تتناسب مع جو البحر الشبابي .
• كمان الجيبات الطويلة موضة جدا مع البلوزات اللي الوانها فاتحة و بتناسب جو المصيف .. فمهم لو عندك قطعة منها تكون معاكي هناك.
• الجواكت الجينز القصيرة و البوليروهات سواء كانت جينز أو قطن مهم تكوم معاكي لأن الجو احيانا بيبرد بليل على الماشية .
• الشباشب الملونة ، و احذية المصارعين ال" gladiators " موضة جدا و مناسبة لكل الملابس اللي اتكلمنا عنه .
• و متنسيش الأكسسوارات لأنها عامل مكمل لكل اللبس اللي هنستخدمه .. و طبعا اليومين دول موضة اكسسوارات الخشب و النحاس واضحة جدا مع استخدام احزمة لكل ستايل اذا امكن .