شاهد وأشتم براحتك .. بالفيديو : البلد بتولع .. والناس الرايقة مع سيكابينا وأوكا وأورتيجا وعصام !

" أنا نفسي أتجوز وأتهني وأحب وأغير.. والناس كلها تيجي يوم فرحي في ميدان التحرير.. والثورة هاتكمل بجوازي والكل يبص.. والحاجة هاترخص ونجهز سوا سوا بالنص".. هذا نموذج من كثير من الأغاني الشعبية الهابطة المنتشرة على اليوتيوب وفي قنوات التت والمصراوية وغيرها.. والتي ظهرت فجأة في الفترة الأخيرة.. وعلى الرغم من الظروف التي تعيشها مصر لكن هذا لم يمنع من وجود هذا الغناء الهابط ووجود جمهور له بالملايين.. وحتى الخوف من وصول الإسلاميين لا يؤثر على هذه الكليبات وكمية الراقصات به.. شاهد واشتم براحتك...
"سبعة ونص".. كليب عصام شعبان ابن شعبان عبد الرحيم والتي حققت أكثر من مليون مشاهدة وهي نفس لحن الأغنية التي قدمها للفريق أحمد شفيق، ويقول فيها" أنا نفسي أتجوز وأتهني وأحب وأغير.. والناس كلها تيجي يوم فرحي في ميدان التحرير.. والثورة هاتكمل بجوازي والكل يبص.. والحاجة هاترخص ونجهز سوا سوا بالنص.. ما هو كله هايبقي بسبعة ونص.. فستان جلابية بسبعة ونص.. ملابس داخلية بسبعة ونص.. سبعة ونص وتعالي وبص.. أنا نفسي أتجوز وأخلف صبيان وبنات دكتورة ومطرب ومهندس وتلات ظباط ".
وتعتبر أغنية" مهرجان أوكا وأورتيجا" الأكثر مشاهدة في وسط هذه الأغاني، حيث قاربت على اثنين مليون مشاهدة، ويقولوا فيها" نحن نريدها هلس.. نريد خرابا دائما.. خمرة وبانجو ورقص.. هدفنا شبابا ضائعا.. صحصح فوق من النوم الزلزال هايقوم.. حقي بدراعي بجيبه لو هاموت عمري ما أسيبه".
أما قنبلة اليوتيوب فكان سامح سيكابينا والذي حققت أغنية أكثر من أكثر من 193 ألف مشاهدة على اليوتيوب، ويقول في الأغنية" اوعي مني تقرب.. اوعي يا واد تتكهرب.. دا الفولت عندي عالي.. يا مسهرني الليالي.. طول عمري قلبي خالي ماليش في الحبة دول .. مابسهرش الليالي ولا بشكي لدول ودول".
وحققت أغنية الوسادة الخالية نسبة مشاهدة عالية حيث حققت أكثر من مليون و400 ألف مشاهدة، وهي لأسامة غالي، ويبدأ الكليب بأغاني لعبد الحليم حافظ، ثم يغني غالي ويقول: بت هاتي حتة يا بت بت هاتي بوسة يا بت.. حبيبي لابس برنيطة ومعلق فى رقبته شريطة وبياكل حتة شكولاتة وبيشرب مانجة بشفاطة.. ويلى ويلى ويلى طيب يلاة قولة يلا قول غالى يا غالى.. والوسادة الخالية تعبت مني يا غالية
أما النجم مندي فيقول في أغنية يا دلع دلع: شوف لما أقولك.. يعجبني كلك.. تعالي يالا.. في كل طلة.. ماتقولش لأ واديها دقة وان كنت غاوي هدي الخطاوي، يا دلع دلع يا دلع الحب قلبي أنا ولع.. يا حلو اصحي وصحصحلي مش كل ما أجي تطوحلي.. خليك يا قلبي بقي ملحلح خليك شجيع يالا اتلحلح.. ولما تضحك كلمها ولما تيجي غنيلها.
أما عن التعليقات على هذه الأغاني الهابطة فهي بعد تنقيتها من الشتائم والألفاظ الخارجة كالتالي:
- ههههههههههههههههه الله يخرب بيت اهلك كهربه تاخدك وتخلصنا منك ومن اللى زيك انتا والبنات الزباله اللى معاك اللى ملهمش اهل دوووووووووول حسبى الله ونعم الوكيل ....دا ولا فن ولا زفت دا انحلال تااااااااااااام
- تتكهرب مع كلبه جربانه يا بعيد ايه الزفت اللي بتغنيه دا
- من مفاسد هذه الحضارة انهم يسمون الاحتيال ذكاء والرزيلة فن والانحلال حرية
- الواد ده متني ولا ايه هو كان شغال على توك توك وركن يعمل الكليب ويكمل شغل
- ام الاجنبى صحيح والعربى كمان ....... انا مستحملتش اكمل ام الكليب ابن التيت ده
- هو دلوقتى اى عيل ابن تيت معاه فلوس يروح يعمل كليب --- آه يا ولاد ال
- هههههههههه على فكره انت عيل برنس سيكابينى
- دنتو عاوزين بوكس يلمكوا
- عليا الطلاق انا لو شوفتة ممكن اقتلة
- هذي الأشكال عار على الشعب المصري والعرب كلهم
- احلى اغنيه سمعتها بحياتي واحلى فيديو كليب والاهم ان البنت بتبوس المشاهدين يعني اغراااااء
- نرجوا من ادراة اليوتيوب وضع زر اتفوووو بجوار الديس لايك
- يا جماعة طلب صغير بس اللى يسمع الأغنية دى يروح يشد السيفون بعدها عشان ده اخره يغنى فى الحمام
- كانوا بيقفلوا قناة الجزيرة بيقولك علشان بتخرب فى البلد والقنوات بنت ال دى مش بتخرب فى البلد ........ حد يقدر يجى جنبها !!!!! ايد ده دى حرية ......
- تفوووووووو على الاغاني الشعبي اغاني بيئة وبدون اي معاني
- ده اللى عامل اغنيه اعلان شفيق شوفتوا شفيق بقى
- ههههههههههه لو كل حاجة بسبعة و نص ... هيبقى المرتب 3 جنى يعنى برضه مش هنجيب حاجة
ملاحظة : لأننا لا نتكلم عن سراب .. سنضطر آسفين لعرض هذه الاغنيات لتتأكدوا أن اصحابها يعيشون في عالم آخر ..
عصام شعبان سبعه ونص
كليب اغنية يا دلع دلع
كليب سامح سيكابينا
مهرجان اوكا و اورتيجا - نحن نريدها هلس
كليب اسامه غالى الوساده الخاليه