من شادي الغزالي إلي بثينه كامل: لا تذهب إلي بورسعيد!

في السطور القادمة يمكنك متابعة ردود فعل المثقفين والكتاب والسياسيين والفنانين لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
بثينة كامل: سأكون ببورسعيد يوم الجمعة مع وفد من البرلمانيين وحملة كاذبون.
من شادي الغزالي حرب إلى بثينة كامل: نصيحة بعد تجربة إمبارح، أوعي تروحي بورسعيد في زيارة يعلن عنها مسبقا، روحيلهم مفاجأة أحسن، التحريات العسكرية هناك فوق الوصف.
أحمد ماهر: اللي يتابع الدعاية المضادة في التليفزيون المصري وبعض الفضائيات يعرف ليه الشعب بقى ضد الثورة, كان لازم يبقى الإعلام داعم للثورة مش العكس.
خالد النبوي: كان الهدف من الثورة تطهير البلد من الفساد الهدف الآن هو تطهير البلد من الثورة.
بلال فضل: حكاية انك كلما تلاقي ليا رأي مختلف أو صادم تتصور أن حسابي أتقرصن معناها إنك متوقع إن رأيي وأسلوبي يعجبوك دايما وده مش هدفي في الحياة أصلا.
علاء عبد الفتاح: مش مصدق أن فيه حد لسه بيتكلم في مقاطعة انتخابات بعد ما شارك 27 مليون، عشان مقاطعتك تنفع لازم تقنع 7 مليون منهم.
براء أشرف: هو لما الثورة تنجح والبلد ينصلح حالها والأمن يستتب والاقتصاد يزدهر، إحنا بقى هنعمل إيه؟!
محمد فتحي: إلا هو بالمناسبة شفيق رشح نفسه كام مرة لغاية دلوقت..هو فاكره بكتره.. صحتك يا حاج !
مصطفى النجار: لا أتقاضى أي أجر من الظهور في الفضائيات !
د.عمرو الشوبكي: هيكلة الداخلية حتمية والمتظاهرين ليسوا بلطجية.
ماريان ملاك: الحرية هي التاج الذي يزين رؤوس الشباب.
عبد الله كمال: الانتخابات الرئاسية المقبلة ستكون الأولى التي تتداخل فيها استخدامات سلبية للميديا الاجتماعية والأخطر سيكمن في دور ستلعبه فضائيات غير مصريه.
نوارة نجم: إيه الرابط ما بين مدينة نصر وحي الحسين? السكان في المنطقتين بيقولوا لي منكم لله خرجتوا السلفيين من السجن وجبتوهم البرلمان.
عزيز الشافعي: اليوم اللي هيبقي فيه كل كلامنا عن الحلال والحرام ودي بدعة وده مكروه وتعلي الأسوار وتزيد القيود وتبقي مسلم ويكفروك ..هو اليوم اللي هموت فيه.
فيروز كراوية: ربنا يصبر قلبك يا حبيبة الشهيد !
إسراء عبد الفتاح: ولا حسينا بمولد النبي ولا بعيد الحب الله ينتقم منك ياللي في بالي.
كريم عامر: نفسي الجيش يكرر مذبحة القلعة مع السلفيين والإخوان !