احم احم !

- لابسة ومتشيكة ورايحة علي فين يا أمينة ع الصبح وإيه إللي في إيدك ده؟
- ع الإتحادية ياسي السيد ودي المبخرة ياخويا.
- غريبة كنت فاكرك رايحة تمثال النهضة ولا الانتاج الإعلامي مع ولاد أبوسماعين لكن الإتحادية وواخدة المبخرة..مش غريبة دي؟
- أصل بس أنا يعني.
- مالك ياولية إتلجلجتي كده ليه إنطقي وقولي إيه إللي موديكي بالمبخرة؟
- أنا هاقولك الصراحة ياسي السيد أصل سي مرسي ناداني.
- ليه إنشاء الله يكونش ضمك للفريق الرئاسي؟
- الله يسامحك ياسي السيد..إتريق علي كيفك..أنا رايحة بصراحة عشان أبخر سي مرسي واضح إن راكبه عفريت ورايحة أرقيه من شر الفلول إللي حاسدينه عمّال علي بطال.
- طب بصي بقي يا أمينة خديها مني كلمة واحدة يا تطلعي العفريت من جتت سي مرسي ويا بلد مادخلك شر ياتطلعي علي أمك ومتورينيش وشك تاني!