ومن تاني الميدان لينا يفرحنا يبكينا ف وش الخوف يقوينا ف وسط العتمة يهدينا لسكة حلمنا الإنسان ومن تاني الميدان عنوان يجمعنا وبيساعنا بأحلامنا وأوجاعنا يرجعنا لسكتنا ومن تاني الميدان بيتنا بيحكي كل حواديتنا ويقبل كل أفكارنا يفكرنا بمشوارنا إذا الدنيا دي شدتنا وخلتنا ف دوامة ندور دورة ورا دورة ونستنا دروس ياما فهمناها بلمتنا ومن تاني الميدان ثورة ف وش مؤامرة ومنورة وصوت الحق مش عورة ومش ممكن يكون مسجون ومن تاني الميدان مسكون بطاقة نور وحرية ويرفع راية مصرية محنية بدم شهيد لا يمكن تقبل الدية ولا ترضي بسيد وعبيد ومن تاني الميدان بيعيد بصوت عالي بصوت غالي.. بصوت يقدر بعزم شديد من الغفلة يصحينا ومن تاني الميدان لينا