واحة الإبداع.. مش هتلاقى

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى:
[email protected]
اللوحات سمير فؤاد

مش هتلاقى
كتب: عبير أنور
مش هتلاقى واحدة تحبك قدى
ولا هتلاقى حد يصونك زيى
ولو لفيت الدنيا بحالها
مش هتلاقى وطن غير حضنى
هونت عليك يا ملاذى وعمرى
كده بسهولة تدوس على قلبى
هو أنا إيه ؟ تجربة وتعدى
ولا تسالي؟ ولا عروسة
تلعب بيها شوية وتجرى
دا أنا رسمتك صورة جميلة على ورق البردى
وكتبت حروفك منقوشة عل الحجر الوردى
ولبستك عقد ودلاية ونيشان على صدرى
آه لو تعرف إنك حبى البكرى
وإنه لا غيرك عدى فى يوم على قلبى
ولا هايعدى
بس كل اللى مطمنى
إن ده قدرى
وإنى المجنى عليه والجانى
و إن ده ذنبي
أيوه هاقوم وهلملم جرحى
وأطلب صفح وعفو ومغفرة من ربى
بس هاقولك كلمة أخيرة
ما انتش قدى
ماانتش قدى